ആണ് സൗഹൃദം: 16കാരിയെ കുഴിച്ചുമൂടി
ഡിസംബറിലാണ് ഇതുസംബന്ധിച്ച് പൊലീസിന് വിവരം ലഭിച്ചത്. കുടുംബാംഗങ്ങള് ചേര്ന്നെടുത്ത പൊതു തീരുമാനപ്രകാരം കുട്ടിയെ ജീവനോടെ കുഴിച്ചുമൂടിയെന്ന ഒരാള് പൊലീസിനെ അറിയിക്കുകയായിരുന്നു.
വീടിന് പിന്നില് കോഴികളെ വളര്ത്തുന്ന കൂടിന് തഴെയായി രണ്ട് ആഴമുള്ള കുഴിയില് കൈകള് ബന്ധിച്ച നിലയിലാണ് കുട്ടിയെ കുഴിച്ച് മൂടിയിരുന്നത്.
പോസ്റ്റ് മോര്ട്ടം റിപ്പോര്ട്ട് കുട്ടിയുടെ കരളിലും വയറ്റിലും മണ്ണ് കയറിയതായി വ്യക്തമാക്കിയിട്ടുണ്ട്. ഇങ്ങനെ കുഴിയില് ഇരുന്ന് കുട്ടി മരിയ്ക്കുകയായിരിക്കണം ഉണ്ടായതെന്നും റിപ്പോര്ട്ടില് പറയുന്നു.
സംഭവവുമായി ബന്ധപ്പെട്ട് കുട്ടിയുടെ പിതാവിനെയും മുത്തച്ഛനെയും അറസ്റ്റ്ചെയ്തിട്ടുണ്ട്. കുട്ടിയുടെ അമ്മയെയും ഇവര്ക്കൊപ്പം അറസ്റ്റുചെയ്തിരുന്നെങ്കിലും അവരെ പിന്നീട് വിട്ടയച്ചു.
മാതാപിതാക്കള്ക്ക് ഈ പെണ്കുട്ടി കൂടാതെ എട്ട് മക്കളുണ്ട്. ഈ കുട്ടിയ്ക്ക് ഒട്ടേറെ ആണ്കുട്ടികളുമായി സൗഹൃദമുണ്ടായിരുന്നു. ഇതില് പിതാവ് കടുത്ത എതിര്പ്പ് പ്രകടിപ്പിക്കുകയും ചെയ്തിരുന്നുവത്രേ. ഇതിന്റെ പേരില് മുത്തച്ഛനില് നിന്നും കുട്ടിയ്ക്ക് മര്ദ്ദനം ഏല്ക്കേണ്ടി വന്നിട്ടുണ്ടെന്നും പൊലീസ് പറയുന്നു.