ബിടി വഴുതന: എതിര്പ്പ് രൂക്ഷം
ബിടി വഴുതന കൃഷി ചെയ്യുന്നത് സംബന്ധിച്ച പൊതുജനാഭിപ്രായം അറിയുന്നതിനായി ദേശീയതലത്തില് സംഘടിപ്പിച്ച ഏഴാമത്തേതും അവസാനത്തേതുമായ തെളിവെടുപ്പാണ് ബാംഗ്ലൂരില് നടന്നത്. ബാംഗ്ലൂര് സെന്ട്രല് കോളേജ് ക്യാമ്പസില് നാലുമണിക്കൂറോളം നീണ്ട ചൂടേറിയ സംവാദത്തിനിടെ മന്ത്രി പലപ്പോഴും ക്ഷുഭിതനായി.
ബിടി വഴുതനയ്്ക്ക് അനുമതി നല്കരുതെന്നാവശ്യപ്പെട്ട് വേദിക്കുപുറത്ത് കര്ഷക-പരിസ്ഥിതി- സന്നദ്ധസംഘടനകളുടെയും നേതൃത്വത്തില് ആയിരങ്ങള് പ്രതിഷേധമുയര്ത്തി. ഇതിന്റ പ്രതിഫലനം അകത്തും ദൃശ്യമായി. കര്ണാടകം, കേരളം, തമിഴ്നാട് സംസ്ഥാനങ്ങളില് നിന്നായി ആയിരത്തിലേറെ പേരാണ് തെളിവെടുപ്പിനെത്തിയത്.
ബിടി വഴുതനയ്ക്കെതിരെ സംസാരിച്ചയാളോട്, നിങ്ങളുടെ മനോരോഗത്തിന് പോയി ചികിത്സ തേടാനും മന്ത്രി ഉപദേശിച്ചു. ഒരു ആയുര്വേദ ഡോക്ടര് വഴുതനയ്ക്കെതിരെ ശക്തമായി വാദിച്ചതാണ് മന്ത്രിയെ പ്രകോപിപ്പിച്ചത്. താങ്കള്ക്കാണ് അതിന്റെ ആവശ്യമുള്ളതെന്നായിരുന്നു പ്രതിഷേധകന്റെ മന്ത്രിയോടുള്ള പ്രതികരണം.പ്രതിഷേധക്കാരില് നിന്ന് യോഗവേദിയുടെ സുരക്ഷയ്ക്കായി വന് പോലീസ് സന്നാഹവും നിലയുറപ്പിച്ചിരുന്നു.
Click it and Unblock the Notifications
Sign in with Google