ടാറ്റ വീടു നല്‍കിയ കാര്യം അറിയില്ല: വെളിയം

തിരുവനന്തപുരം: സിപിഐയുടെ തൊഴിലാളി സംഘടന നേതാക്കള്‍ക്ക് ടാറ്റ കന്പനി വീടുകള്‍ നല്കിയതിനെക്കുറിച്ച് അറിയില്ലെന്ന് പാര്‍ട്ടി സംസ്ഥാന സെക്രട്ടറി വെളിയം ഭാര്‍ഗവന്‍.

മൂന്നാറില്‍ ടാറ്റ നിര്‍മ്മിച്ച തടയണകള്‍ അനധികൃതമാണെങ്കില്‍ അത് പൊളിച്ചു നീക്കണമെന്ന് തന്നെയാണ് പാര്‍ട്ടി നിലപാട്. ഇക്കാര്യത്തില്‍ പാര്‍ട്ടിയില്‍ അഭിപ്രായ വ്യത്യാസമില്ല- അദ്ദേഹം വ്യക്തമാക്കി. തിരുവനന്തപുരത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു വെളിയം.

അതിനിടെ ടാറ്റയുടെ അണക്കെട്ടുകള്‍ പൊളിച്ചു നീക്കുന്നതിനെതിരെ സി പി ഐ ദേശീയ കൌണ്‍സില്‍ അംഗം സി എ കുര്യന്‍ രംഗത്തു വന്നിരുന്നു. ടാറ്റ നല്കിയ വീടുകള്‍ നേതാക്കള്‍ തിരികെ നല്കേണ്ടതില്ലെന്നും അദ്ദേഹം പറഞ്ഞിരുന്നു.