ടാറ്റയുടെ തടയണപൊളിക്കാന്‍ വീണ്ടും ഉത്തരവ്

തിരുവനന്തപുരം: മൂന്നാറില്‍ ടാറ്റ കമ്പനി നിര്‍മ്മിച്ച തടയണകള്‍ പൊളിച്ചുനീക്കാന്‍ ജില്ലാ കളക്ടറെ ചുമതലപ്പെടുത്തിക്കൊണ്ട് ജലവിഭവവകുപ്പ് വീണ്ടും ഉത്തരവിറക്കി.

കഴിഞ്ഞ ദിവസം ഇറക്കിയ ഇതേ ഉത്തരവ് അപാകതയുണ്ടെന്ന് കണ്ട് റദ്ദാക്കിയിരുന്നു. തുടര്‍ന്നാണ് പുതിയ ഉത്തരവിറക്കിയത്.

ടാറ്റയുടെ തടയണപൊളിക്കുന്നതുമായി ബന്ധപ്പെട്ട് സര്‍ക്കാര്‍ ഇറക്കുന്ന മൂന്നാമത്തെ ഉത്തരവാണിത്. നേരത്തേ റവന്യൂ പ്രിന്‍സിപ്പല്‍ സെക്രട്ടറിയും ജലവിഭവവകുപ്പ് സെക്രട്ടറിയും ഇതുസംബന്ധിച്ച ഉത്തരവ് ഇറക്കിയിരുന്നു.

ജലവിഭവവകുപ്പ് ഇറക്കിയ ഉത്തരവില്‍ ടാറ്റയ്ക്ക് അനുകൂലമായി വ്യാഖ്യാനിക്കാവുന്ന ചില പരാമര്‍ശങ്ങള്‍ ഉണ്ടെന്ന് അഡ്വക്കേറ്റ് ജനറല്‍ സിപി സുധാകരപ്രസാദ് ചൂണ്ടിക്കാട്ടിരുന്നു. അതിനാലാണ് അത് റദ്ദാക്കി പുതിയത് ഇറക്കിയത്.

ജില്ലാ കളക്ടറുടെ റിപ്പോര്‍ട്ടിന്റെ അടിസ്ഥാനത്തില്‍ തടയണകള്‍ പൊളിക്കുന്നുവെന്ന പരാമര്‍ശം ജലവിഭവവകുപ്പിന്റെ ആദ്യ ഉത്തരവില്‍ ഉണ്ടായിരുന്നു. ഇത് ടാറ്റയ്ക്ക് വേണമെങ്കില്‍ തെറ്റായി വ്യാഖ്യാനിക്കാമെന്നാണ് എജി ഉപദേശം നല്‍കിയത്.