പ്രണയദിനത്തില് അവര് വെച്ചുവിളമ്പി
ഇഷാന് ഇന്സ്റ്റിറ്റിയൂട്ട് ഓഫ് മാനേജ്മെന്റ് ആന്റ് ടെക്നോളജിയാണ് തീര്ത്തും വ്യത്യസ്തമായ രീതിയില് ഇത്തവണത്തെ പ്രണയദിനം ആഘോഷിച്ചത്.
യഥാര്ത്ഥത്തില് ഇവിടെ ഞായറാഴ്ച പ്രണയദിനമായിരുന്നില്ല സ്നേഹ ദിനമായിരുന്നു. ല് ആണ്കുട്ടികള്ക്കെല്ലാവര്ക്കും ഭക്ഷണം പാകം ചെയ്ത് കൊടുക്കാനായിരുന്നു പെണ്കുട്ടികള്ക്ക് അധ്യാപകര് നല്കിയ സ്നേഹദിന നിര്ദ്ദേശം.
വളരെ കര്ശനമായ അച്ചടക്ക നിയമങ്ങളുള്ളതാണ് ഇഷാന് ഇന്സ്റ്റിറ്റിയൂട്ട്. നാനൂറിലേറെ കുട്ടികളാണ് ഇവിടെ പഠിക്കുന്നത്. വാലന്റൈന്സ് ദിനത്തില് കോളെജില് രാവിലെ 9 മണിമുതല് വൈകീട്ട് നാലുമണിവരെ പരിപാടികള് ഉണ്ടായിരുന്നു.
ആണ്കുട്ടികള്ക്ക് വേണ്ടി പെണ്കുട്ടികള് പലതരത്തിലുള്ള വിഭവങ്ങളാണ് പാകം ചെയ്ത് വിളമ്പിയത്. ഒന്നായി ഒരു കുടുംബം പോലെ ഒരു ദിവസം കഴിയുകയെന്ന ഉദ്ദേശത്തിലാണ് പെണ്കുട്ടികളോട് പാചകം ചെയ്യാനും വിളമ്പാനും പറഞ്ഞതെന്ന് ഇന്സ്റ്റിറ്റിയൂട്ട് അധ്യക്ഷന് ഡികെ ഗാര്ഗ് പറയുന്നു.
പാചകം ചെയ്യണമെന്നത് ഒരിക്കലും നിര്ബ്ബന്ധമുള്ള കാര്യമായിരുന്നില്ല. എന്നിട്ടും ആകെയുള്ള 180 പെണ്കുട്ടികളും നല്ല താല്പര്യത്തോടെ ആഘോഷത്തില് പങ്കെടുത്തു, ആണ്കുട്ടികള്ക്കുവേണ്ടി വെച്ചുവിളമ്പി- അദ്ദേഹം പറയുന്നു.
മാത്രമല്ല ആഘോഷത്തിന്റെ ഭാഗമായി ആണ്കുട്ടികള്ക്ക് വേണ്ടി ട്രഷന് ഹണ്ട് മത്സരങ്ങളും ഒരുക്കിയിരുന്നു. എന്തായാലും വിദ്യാര്ത്ഥികളെല്ലാം പ്രണയദിനം സ്നേഹദിനമായി ആഘോഷിച്ചതിന്റെ സന്തോഷത്തിലാണ്.