മദനിയെ ബാംഗ്ലൂര്‍ പൊലീസ് ചോദ്യം ചെയ്യും

ബാംഗ്ലൂര്‍: ബാംഗ്ലൂര്‍ സ്‌ഫോടന പരമ്പരയുമായി ബന്ധപ്പെട്ട് പിഡിപി ചെയര്‍മാന്‍ അബ്ദുള്‍ നാസര്‍ മദനിയെയും ഭാര്യ സൂഫിയ മദനിയെയും ബാംഗ്ലൂര്‍ പൊലീസ് ചോദ്യം ചെയ്യും. ഇത് സംബന്ധിച്ച് പൊലീസ് പുറപ്പെടുവിച്ച നോട്ടിസ് മദനി കൈപ്പറ്റി. ഈയാഴ്ച ഹാജരായി ചോദ്യം ചെയ്യലുമായി സഹകരിക്കണമെന്ന് നോട്ടീസില്‍ പറയുന്നു.

ആകെ നാല് മലയാളികള്‍ക്ക് ചോദ്യം ചെയ്യുന്നതിനായി നോട്ടീസ് നല്‍കിയിട്ടുണ്ടെന്നാണ് റിപ്പോര്‍ട്ടുകള്‍ മറ്റു രണ്ട് പേര്‍ ആരെന്ന വിവരം ലഭ്യമായിട്ടില്ല. ചോദ്യം ചെയ്യലിനായി കേരള പൊലിസിന്റെ സഹായവും തേടിയിട്ടുണ്ട്.

ബാംഗ്ലൂര്‍ സ്‌ഫോടനവുമായി ബന്ധപ്പെട്ട് ബാംഗ്ലൂര്‍ പൊലീസ് അറസ്റ്റ് ചെയ്ത തടിയന്റവിട നസീര്‍ ഉള്‍പ്പെടെയുള്ളവര്‍ നല്‍കിയ മൊഴിയുടെ അടിസ്ഥാനത്തിലാണ് ചോദ്യം ചെയ്യല്‍.