മാവോയിസ്റ്റ് ആക്രമണം: ചിദംബരം അപലപിച്ചു

ദില്ലി: പശ്ചിമ ബംഗാളിലെ വെസ്റ്റ് മിഡ്‌നാപ്പൂരില്‍ 24 സൈനികരെ കൂട്ടക്കൊല ചെയ്ത് മാവോയിസ്റ്റ് ആക്രമണത്തെ കേന്ദ്ര ആഭ്യന്തര മന്ത്രി പി ചിദംബരം അപലപിച്ചു.

മാവോയിസ്റ്റ് ആക്രമണങ്ങള്‍ ഭരണകൂടത്തോടുള്ള വെല്ലുവിളിയാണ്. മാവോയിസ്റ്റ് അനുകൂലികള്‍ ഇത്തരം ആകമണങ്ങളെ അപലപിക്കണെന്നും അദ്ദേഹം പറഞ്ഞു. ആക്രമണത്തില്‍ മരിച്ചവരുടെ കുടുംബാംഗങ്ങളുടെ ദു:ഖത്തില്‍ പങ്കു ചേരുന്നതായി ചിദംബരം അറിയിച്ചു.

മാവോയിസ്റ്റുകള്‍ക്ക് നേരെ ചെറുത്തു നില്‍ക്കുന്നതിന് മതിയായ പൊലീസ് സംവിധാനത്തിന്റെ അഭാവമാണ് ഇവിടെ പരാജയം നേരിടുന്നതിന് കാരണമെന്ന് അദ്ദേഹം നിരീക്ഷിച്ചു.