മുല്ലപ്പെരിയാറിന് പ്രത്യേക സമിതി
റിട്ടയേഡ് സുപ്രീംകോടതി ജഡ്ജി അദ്ധ്യക്ഷനായ പ്രത്യേക അഞ്ചംഗ സമിതിയായിരിക്കും പാരിസ്ഥിതിക പ്രശ്നങ്ങളടക്കമുള്ള വിഷയങ്ങള് പരിശോധിയ്ക്കുക. സുപ്രീംകോടതി ഭരണഘടനാ ബഞ്ചിന്റേതാണ് തീരുമാനം.
മുല്ലപ്പെരിയാര് കേസ് ട്രിബ്യൂണലിന് വിടുന്നതില് തമിഴ്നാട് എതിര്പ്പ് അറിയിച്ച പശ്ചാത്തലത്തിലാണ് പ്രത്യേക സമിതി രൂപീകരിക്കാന് ഭരണഘടനാ ബഞ്ച് തീരുമാനിച്ചത്.
കേരളത്തില്നിന്നും തമിഴ്ട്ടില് നിന്നും ഒരോ അംഗം സമിതിയിലുണ്ടാകും. സമിതിയിലെ രണ്ട് അംഗങ്ങള് കേന്ദ്രസര്ക്കാര് നിര്ദ്ദേശിക്കുന്നവരായിരിക്കും. ഈ രണ്ട് അംഗങ്ങള് കേന്ദ്ര ജല കമ്മീഷനിലെ അംഗങ്ങളായിരിക്കരുതെന്ന് കേരളം ആവശ്യപ്പെട്ടു.
പ്രത്യേക സമിതിയുടെ ഘടന, അദ്ധ്യക്ഷന്, പരിഗണിക്കേണ്ട വിഷയങ്ങള് തുടങ്ങിയ കാര്യങ്ങള് സുപ്രീം കോടതി വ്യാഴാഴ്ച പ്രഖ്യാപിക്കും.
Click it and Unblock the Notifications
Sign in with Google