ബോളിവുഡ് താരം നിര്‍മല്‍ പാണ്ഡെ അന്തരിച്ചു

മുംബൈ: പ്രമുഖ ബോളിവുഡ് നടന്‍ നിര്‍മ്മല്‍ പാണ്ഡെ(48) ഹൃദയാഘാതം മൂലം വ്യാഴാഴ്ച അന്തരിച്ചു. ശാരീരിക അസ്വസ്ഥത അനുഭവപ്പെട്ടതിനെ തുടര്‍ന്ന് ബാന്ദ്രയിലെ ആശുപത്രിയിലേയ്ക്ക് കൊണ്ടുപോകും വഴിയായിരുന്നു അന്ത്യം. ഭാര്യ അര്‍ച്ചന.

ബാന്‍ഡിറ്റ് ക്യൂന്‍, ദയാര തുടങ്ങിയവയാണ് പാണ്‌ഡേ അഭിനയിച്ച പ്രധാന ചലചിത്രങ്ങള്‍. 1991ല്‍ പുറത്തിറങ്ങിയ ഗ്രേറ്റ് ടാര്‍ഗറ്റ് എന്ന സിനിമയിലൂടെ കരിയര്‍ ആരംഭിച്ച നിര്‍മ്മല്‍ പാണ്ഡെയെ ശേഖര്‍ കപൂര്‍ സംവിധാനം ചെയ്ത് ബന്‍ഡിറ്റ് ക്യൂനിലെ അഭിനയമാണ് ഏറെ ശ്രദ്ധേയനാക്കിയത്.

ഫൂലന്‍ ദേവിയുടെ കഥ പറഞ്ഞ ചിത്രത്തില്‍ കൊള്ളക്കാരന്റെ വേഷമാണ് അഭിനയിച്ചത്. മമ്മൂട്ടി നായകനായ 'ദുബായ്' എന്ന ചിത്രത്തിലൂടെ നിര്‍മ്മല്‍ പാണ്ഡെ മലയാളത്തിലും തന്റെ സാന്നിധ്യമറിയിച്ചിരുന്നു.