രാജ്യസഭാസീറ്റ്: ലീഗ് നേതാക്കള്‍ ദില്ലിക്ക്

കോഴിക്കോട്: രാജ്യസഭയില്‍ മുസ്ലീം ലീഗിന് പ്രാതിനിധ്യം ഇല്ലാത്ത അവസ്ഥാ പാര്‍ട്ടി അണികള്‍ക്ക് അംഗീകരിയ്ക്കാനാവില്ലെന്ന് പാര്‍ട്ടി ജനറല്‍ സെക്രട്ടറി പികെ കുഞ്ഞാലിക്കുട്ടി. കോഴിക്കോട് ചേര്‍ന്ന മുസ്ലീം ലീഗ് പ്രവര്‍ത്തക സമിതി യോഗത്തിന് ശേഷം തീരുമാനങ്ങള്‍ വിശദീകരിച്ചുകൊണ്ട്് വാര്‍ത്താ സമ്മേളനത്തിലാണ് കുഞ്ഞാലിക്കുട്ടി ഇക്കാര്യങ്ങള്‍ പറഞ്ഞത്.

‌കോണ്‍ഗ്രസ് അധ്യക്ഷ സോണിയ ഗാന്ധി അടക്കം പ്രമുഖ നേതാക്കളുമായി ലീഗ് സംഘം ചര്‍ച്ച നടത്തും. എ.കെ ആന്റണി ഉള്‍പ്പെടെ സംസ്ഥാനത്ത് നിന്നുള്ള ഉന്നത നേതാക്കളുമായും കൂടിക്കാഴ്ച നടത്തും. മാന്യമായി കാര്യം പറഞ്ഞാല്‍ കോണ്‍ഗ്രസിന് മനസ്സിലാവുമെന്നാണ് പ്രതീക്ഷിയ്ക്കുന്നതെന്നും കുഞ്ഞാലിക്കുട്ടി പറഞ്ഞു.

ഇ അഹമ്മദ്, ഇടി മുഹമ്മദ് ബഷീര്‍, എംകെ. മുനീര്‍, അബ്ദു സമദ് സമദാനി എന്നിവരായിരിയ്ക്കും സംഘത്തിലുണ് ടാവുകയെന്നും കുഞ്ഞാലിക്കുട്ടി വിശദീകരിച്ചു.