ഇന്ധന വില വര്‍ധന പിന്‍വലിയ്ക്കില്ല: പ്രധാനമന്ത്രി

ദില്ലി: പെട്രോള്‍, ഡീസല്‍ വില വര്‍ദ്ധന പിന്‍വലിയ്ക്കില്ലെന്ന് പ്രധാനമന്ത്രി മന്‍മോഹന്‍ സിങ് വ്യക്തമാക്കി. പണപ്പെരുപ്പം രൂക്ഷമാക്കാത്ത തരത്തില്‍ ഇന്ധന വില വര്‍ധന അതിജീവിയ്ക്കാനുള്ള കരുത്ത് സമ്പദ് ഘടനയ്ക്കുണ്ട്. ബജറ്റ് അവതരണത്തിനിടെ പ്രതിപക്ഷം ലോക്‌സഭയില്‍ നിന്ന് ഇറങ്ങിപ്പോയത് ശരിയായില്ലെന്നും അദ്ദേഹം പറഞ്ഞു.

ഏതു തരത്തിലുള്ള വിലവര്‍ധനയും കുറച്ചുപേരെ വേദനിപ്പിക്കും. പക്ഷേ, നാം ദീര്‍ഘകാലാടിസ്ഥാനത്തില്‍ കാര്യങ്ങളെ കാണണം സൗദി അറേബ്യ സന്ദര്‍ശനത്തിനുശേഷം ഇന്ത്യയിലേക്ക് മടങ്ങവേ പ്രത്യേക വിമാനത്തില്‍ മാധ്യമപ്രവര്‍ത്തകരോട് സംസാരിയ്ക്കുകയായിരുന്നു അദ്ദേഹം.

ജനപ്രിയ സാമ്പത്തിക നയങ്ങള്‍ ദീര്‍ഘകാലം തുടര്‍ന്നാല്‍ അത് സമ്പദ്‌വ്യവസ്ഥയെ പ്രതികൂലമായി ബാധിക്കുമെന്ന് പ്രധാനമന്ത്രി ചൂണ്ടിക്കാട്ടി.