• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഒബാമ ആരോഗ്യവാന്‍; പക്ഷേ പുകവലി!!

  • By Super

വാഷിങ്ടണ്‍: അമേരിക്കന്‍ പ്രസിഡന്റ് ബരാക് ഒബാമ ആരോഗ്യകാര്യത്തില്‍ വളരെ മുന്നിട്ടുനില്‍ക്കുകയാണെങ്കിലും അദ്ദേഹം അത്യാവശ്യമായി പുകവലി നിര്‍ത്തണമെന്ന് ഡോക്ടര്‍മാര്‍.

മെരിലാന്‍ഡിലെ ബെതെസ്ഡയിലുള്ള നാഷനല്‍ നേവല്‍ മെഡിക്കല്‍ സെന്ററില്‍ ഒന്നരമണിക്കൂര്‍ നീണ്ട പരിശോധനകള്‍ക്കു വിധേയനായ ഒബാമയുടെ മെഡിക്കല്‍ റിപ്പോര്‍ട്ടിലാണ് പുകവലിയില്‍ നിന്നും അദ്ദേഹം മുക്തനല്ലെന്ന് വ്യക്തമാക്കിയിരിക്കുന്നത്.

നാല്‍പ്പത്തെട്ടുകാരനായ ഒബാമ പ്രസിഡന്റായ ശേഷം നടത്തിയ ആദ്യ മെഡിക്കല്‍ പരിശോധനയാണിത്.പുകവലി പൂര്‍ണമായും ഉപേക്ഷിക്കാനുള്ള ശ്രമങ്ങളുമായി ഒബാമ മുന്നോട്ടുപോവണമെന്ന് ഡോക്ടര്‍മാര്‍ പറഞ്ഞു.

ശരീരത്തില്‍ കൊഴുപ്പിന്റെ അംശം കൂടുതലാണ് അതിനാല്‍ കൊഴുപ്പുകൂടുതലുള്ള ചീസ്, ബര്‍ഗര്‍, റെഡ് മീറ്റ് എന്നിങ്ങനെയുള്ള ഭക്ഷണപദാര്‍ത്ഥങ്ങള്‍ കുറയ്ക്കണമെന്നും ഡോക്ടര്‍മാര്‍ അദ്ദേഹത്തോട് നിര്‍ദ്ദേശിച്ചിരിക്കുകയാണ്.

സാധാരണ കൊളസ്‌ട്രോള്‍ നില 200 ആണെങ്കില്‍ ഒബാമയുടേത് 209 ആണത്രേ. ആറടി ഒരിഞ്ച് ഉയരമുള്ള ഒബാമയ്ക്ക് 81.5 കിലോഗ്രാം തൂക്കമുണ്ട്. ജോഗിങ് ഉള്‍പ്പെടെയുള്ള പതിവു വ്യായാമങ്ങള്‍ക്കു പുറമേ ബാസ്‌കറ്റ്‌ബോള്‍, ഗോള്‍ഫ് എന്നിവയും ഒബാമയ്ക്ക് പ്രിയപ്പെട്ടതാണ്. 2011 ഓഗസ്റ്റിലായിരിക്കം ഒബാമയ്ക്ക് അടുത്തവട്ടം പരിശോധനകള്‍ നടത്തേണ്ടതെന്നും ഡോക്ടര്‍മാര്‍ നിര്‍ദേശിച്ചു.

ഒബാമയുടെ രക്തസമ്മര്‍ദ്ദം 105-62ആണ്. ഇദ്ദേഹത്തിന്റെ ബോഡി മാസ് ഇന്‍ഡക്‌സ് 23.7 ആണ്. ഇത് സാധാരണമാണെന്നും ബിഎംഐ 25 ആണെങ്കില്‍ അത് അമിതഭാരമാണെന്നും ഡോക്ടര്‍മാര്‍ വ്യക്തമാക്കി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X