മാവോവാദികള്‍ക്കെതിരെ നടപടി ശക്തമാക്കും: പിള്ള

ദില്ലി: മാവോവാദികള്‍ക്കെതിരെയുള്ള പ്രവര്‍ത്തനങ്ങള്‍ ശക്തമാക്കുമെന്ന് ആഭ്യന്തര സെക്രട്ടറി ജികെ പിള്ള. ദില്ലിയില്‍ ഇടതുതീവ്രവാദം എന്ന വിഷയത്തില്‍ ഒരു സെമിനാറില്‍ സംസാരിക്കുകയായിരുന്നു അദ്ദേഹം.

2050 ഓടെ രാജ്യം അട്ടിമറിയിലൂടെ പിടിച്ചടക്കാനാണ് മാവോവാദികളുടെ ലക്ഷ്യംയ ഇതിനെ ചെറുക്കാനുള്ള പ്രവര്‍ത്തനങ്ങള്‍ ശക്തമാക്കും. ഇന്നല്ലെങ്കില്‍ നാളെ ശക്തിപ്രാപിക്കുക എന്നതാണ് മാവോവാദികളുടെ ലക്ഷ്യം- പിള്ള പറഞ്ഞു.

ലക്ഷക്കണക്കിന് കേഡര്‍മാരെ വളര്‍ത്തിക്കൊന്നുവരുന്നത് ഈ ലക്ഷ്യം മുന്നില്‍ കണ്ടുകൊണ്ടാണ്. അവര്‍ വിതരണം ചെയ്യുന്ന ലഘുലേഖകളില്‍ ഇത്തരം ആസൂത്രിത പരിപാടികളെക്കുറിച്ച് പറയുന്നുണ്ട്.

2050 ലോ 2060 ലോ ഇത് സാധ്യമാകുമെന്നാണ് മാവോവാദികളുടെ പ്രതീക്ഷ. വനമേഖലയേയും ഗ്രാമങ്ങളേയും ഉപയോഗിച്ചാണ് ഇത്തരം ഗ്രൂപ്പുകള്‍ വളരുന്നത്. പലയിടത്തും സര്‍ക്കാര്‍ സംവിധാനങ്ങള്‍ കാര്യക്ഷമമായി പ്രവര്‍ത്തിക്കുന്നില്ല- അദ്ദേഹം ചൂണ്ടിക്കാട്ടി.