മെമു ജൂണില്‍ ഓടിത്തുടങ്ങുമെന്ന് പ്രതീക്ഷ

കൊച്ചി: മെമു തീവണ്ടി സര്‍വീസ് ജൂണ്‍ മുതല്‍ ഓടിത്തുടങ്ങുമെന്നാണ് പ്രതീക്ഷയെന്ന് കേന്ദ്ര റെയില്‍വേ സഹമന്ത്രി ഇ അഹമ്മദ് പറഞ്ഞു. ചൊവ്വാഴ്ച ചേരുന്ന കേന്ദ്ര റെയില്‍വേ ബോര്‍ഡ് യോഗം കഞ്ചിക്കോട് കോച്ച് ഫാക്ടറിയെക്കുറിച്ച് ചര്‍ച്ച ചെയ്യുമെന്ന് മന്ത്രി അറിയിച്ചു.

കൊച്ചിയില്‍ തുരന്തോ എക്‌സ്പ്രസ് തീവണ്ടി സര്‍വീസ് ഉദ്ഘാടനച്ചടങ്ങിനെത്തിയ അഹമ്മദ് മാധ്യമപ്രവര്‍ത്തകരോട് സംസാരിക്കുകയായിരുന്നു.

സംസ്ഥാനത്ത് പാതയിരട്ടിപ്പിക്കലിന് കേന്ദ്ര ബജറ്റില്‍ വകയിരുത്തിയ തുക ചിലവഴിക്കുന്നില്ലെന്ന് മന്ത്രി കുറ്റപ്പെടുത്തി. റെയില്‍വെയുടെ കാര്യത്തില്‍ കേന്ദ്രം കേരളത്തെ അവഗണിക്കുകയാണെന്ന പരാതിയില്‍ കുറവു വന്നതായും അദ്ദേഹം പറഞ്ഞു.