ടീകോമിന് സര്‍ക്കാരിന്റെ അന്ത്യശാസനം

തിരുവനന്തപുരം: സ്മാര്‍ട് സിറ്റി പദ്ധതി സമയബന്ധിതമായി ആരംഭിയ്ക്കണമെന്നാവശ്യപ്പെട്ട് സംസ്ഥാന സര്‍ക്കാര്‍ ടീകോമിന് കത്തയക്കാനൊരുങ്ങുന്നു. നിര്‍മാണ പ്രവര്‍ത്തനങ്ങള്‍ സമയബന്ധിതമായി ആരംഭിച്ചില്ലെങ്കില്‍ കരാര്‍ റദ്ദാക്കുമെന്നും മറ്റു കരാറുകാരെ പരിഗണിയ്ക്കുമെന്നും മുന്നറിയിപ്പ് നല്‍കിയാണ് സര്‍ക്കാര്‍ കത്ത് നല്‍കുന്നത്.

ഐടി സെക്രട്ടറി കത്തിന്റെ കരടുരൂപം തയാറാക്കി ചീഫ് സെക്രട്ടറി കൈമാറിയിട്ടുണ്ടെന്നാണ് അറിയുന്നത്. ബുധനാഴ്ച നടക്കുന്ന മന്ത്രിസഭാ യോഗം ചീഫ് സെക്രട്ടറിയുടെ കത്ത് പരിശോധിയ്ക്കുമെന്നും സൂചനകളുണ്ട്.

കത്തയക്കുന്ന കാര്യം ടീകോമിനെ സര്‍ക്കാര്‍ പ്രതിനിധി ടെലിഫോണ്‍ അറിയിച്ചതായും റിപ്പോര്‍ട്ടുകളുണ്ട.് പദ്ധതി വൈകുന്നതിനാല്‍ കരാര്‍ അവസാനിപ്പിക്കുന്നതായി കാണിച്ച് എജി സിപി സുധാകര പ്രസാദ് നല്‍കിയ നിയമോപദേശ പ്രകാരമാണ് സര്‍ക്കാര്‍ കത്തയയ്ക്കുന്നത്.