കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദുബയ് ചായ സമ്മേളനം സമാപിച്ചു

  • By Lakshmi
Google Oneindia Malayalam News

Tea
ദുബയ്: മൂന്നാമത് ആഗോള ദുബയ് ചായ സമ്മേളനം ദുബയില്‍ അവസാനിച്ചു. മുപ്പത്തിയഞ്ച് രാജ്യങ്ങളില്‍ നിന്നായി 360 പ്രതിനിധികളാണ് രണ്ട് ദിവസം നീണ്ടു നില്‍ക്കുന്ന ഗ്ലോബല്‍ ടീ ഫോറത്തില്‍ പങ്കെടുത്തത്. ഇന്ത്യന്‍ ടീ ബോര്‍ഡ് പ്രതിനിധികളും സമ്മേളനത്തില്‍ പങ്കെടുക്കാനെത്തിയിരുന്നു.

ലോകത്തെ വിവിധ രാജ്യങ്ങളിലെ ടീ ബോര്‍ഡുകളുടെ ഉല്‍പ്പന്നങ്ങളും തേയില വിഭവങ്ങളും മേളയില്‍ പ്രദര്‍ശിപ്പച്ചു. ടീ ഇന്‍ഡസ്ട്രി ബ്രാന്‍ഡ്‌സ്, ടീ ബാഗ് ഉപയോഗം, മേഖലയിലെ പുതിയ കണ്ടെത്തലുകള്‍, വിപണിയിലെ സാധ്യതകള്‍ എല്ലാം ഫോറത്തില്‍ ചര്‍ച്ചയ്ക്ക് വന്നു.

ഓരോ രാജ്യത്തെയും തേയില ഉല്‍പ്പന്നങ്ങളെ ആഗോള വിപണിയ്ക്ക് പരിചയപ്പെടുത്തി കൊടുക്കാന്‍ വേണ്ടിയാണ് ലോക ടീ ഫോറം നടത്തുന്നത്. ലോകത്ത് തേയില ഉല്‍പ്പന്നങ്ങള്‍ ഏറ്റവും കൂടുതല്‍ ഇറക്കുമതി ചെയ്യുന്ന രാജ്യങ്ങളില്‍ ഒന്നാണ് യു എ ഇ ഇന്ത്യയും ശ്രീലങ്കയുമാണ് ഗള്‍ഫ് രാജ്യങ്ങളിലേക്ക് തേയില ഉല്‍പ്പന്നങ്ങള്‍ കൂടുതലായി കയറ്റുമതി ചെയ്യുന്നത്.

മാര്‍ച്ച് 9ന് തുടങ്ങിയ ടീ ഫോറത്തിന്റെ ഉദ്ഘാടനം യു എ ഇ ധനകാര്യ മന്ത്രി സുല്‍ത്താന്‍ ബിന്‍ സഹീദ് അല്‍ മന്‍സൂരിയാണ് നിര്‍വഹിച്ചത്.

2006ലാണ് ആദ്യമായി ഗ്ലോബല്‍ ദുബായ് ടീ ഫോറം തുടങ്ങിയത്. തേയില മേഖലയിലെ മുന്നേറ്റങ്ങളും പ്രശ്‌നങ്ങളും ചര്‍ച്ച ചെയ്യുന്നതിന് വേണ്ടിയാണ് ഗ്ലോബല്‍ ദുബായ് ടീ ഫോറം തുടങ്ങിയത്. വിവിധ രാജ്യങ്ങളിലെ ടീ ബോര്‍ഡുകളുമായി പരസ്പരബന്ധം സ്ഥാപിക്കുക എന്നതും ടീ ഫോറത്തിന്റെ ലക്ഷ്യമാണ്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X