രാജസ്ഥാനില്‍ ബസ് മറിഞ്ഞ് 26 മരണം

രാജസ്ഥാന്‍: രാജസ്ഥാനിലെ സവായ് മധോപൂരില്‍ പുഴയിലേക്ക് മറിഞ്ഞ് അധ്യാപകരും വിദ്യാര്‍ത്ഥികളും അടക്കം 26 പേര്‍ മരിച്ചു. 34 പേര്‍ക്ക് പരിക്കേറ്റു. തിങ്കളാഴ്ച രാവിലെയാണ് അപകടമുണ്ടായത്.

വിദ്യാര്‍ത്ഥികള്‍ സഞ്ചരിച്ചിരുന്ന ബസ് മറ്റൊരു വാഹനവുമായി കൂട്ടിയിടിച്ചതിന് ശേഷം മോറല്‍ നദിയിലേക്ക് മറിയുകയായിരുന്നു. ബസില്‍ 60 പേരാണ് യാത്രക്കാരായി ഉണ്ടായിരുന്നത്. ജയ്പൂരില്‍നിന്ന് 162 കിലോമീറ്റര്‍ അകലെയാണ് സവായ് മധോപൂര്‍ - ദൗസ അതിര്‍ത്തിയിലാണ് സംഭവം.

മദര്‍ ഇന്ത്യ ബി എഡ് കോളജില്‍ നിന്നുള്ള വിദ്യാര്‍ത്ഥികള്‍ മഥുര, വൃന്ദാവന്‍ എന്നിവിടങ്ങളില്‍ വിനോദയാത്രയ്ക്ക് പോയി മടങ്ങുമ്പോഴാണ് ബസ് അപകടത്തില്‍ പെട്ടത്.