തമിഴ്‌നാടിന്റെ ഹര്‍ജി ഭരണഘടനാ ബഞ്ചിന്

ദില്ലി: മുല്ലപ്പെരിയാര്‍ അണക്കെട്ട് തര്‍ക്കപരിഹാരത്തിനായി രൂപീകരിച്ച ഉന്നതാധികാര സമിതി പിന്‍വലിയ്ക്കണമെന്ന് ആവശ്യപ്പെട്ട് തമിഴ്‌നാട് സമര്‍പ്പിച്ച ഹര്‍ജി സുപ്രീം കോടതി ഭരണഘടനാ ബഞ്ചിന് വിട്ടു. ഹര്‍ജി എപ്പോള്‍ പരിഗണിയ്ക്കണമെന്ന കാര്യം ഭരണഘടനാ ബഞ്ച് തീരുമാനിയ്ക്കുമെന്ന് ജസ്റ്റിസ് ഡികെ ജയിന്‍ പറഞ്ഞു.

ഭരണഘടനാ ബഞ്ചിലെ മറ്റംഗങ്ങളുമായി ചര്‍ച്ച ചെയ്തതിന് ശേഷമായിരിക്കും ഹര്‍ജി പരിഗണിയ്‌ക്കേണ്ട തീയതി തീരുമാനിയ്ക്കുക.

ഇരു സംസ്ഥാനങ്ങളുടെയും സമ്മതത്തോടെയാണ് ഉന്നതധികാര സമിതിയെ നിയോഗിച്ചതെന്ന കാര്യം കോടതി ചൂണ്ടിക്കാട്ടി. എന്നാല്‍ ഇത് സംബന്ധിച്ച് തനിയ്ക്ക് ചില വീഴ്ചകള്‍ പറ്റിയെന്നായിരുന്നു തമിഴ്‌നാടിന് വേണ്ടി വാദിയ്ക്കുന്ന അഭിഭാഷകന്‍ കെ പരാശരന്‍ പറഞ്ഞത്.