മണ്ണെണ്ണ ലീക്കേജ്: പ്രതിപക്ഷം സഭ വിട്ടു
തിരുവനന്തപുരം: മണ്ണെണ്ണ വ്യാപാരികള്ക്ക് അനര്ഹമായ ആനുകൂല്യം നല്കിയെന്നാരോപിയ്ക്കുന്ന അടിയന്തര പ്രമേയത്തിന് സ്പീക്കര് അവതരണാനുമതി നിഷേധിച്ചതില് പ്രതിഷേധിച്ച് പ്രതിപക്ഷം നിയമസഭ ബഹിഷ്ക്കരിച്ചു.
ഹൈക്കോടതിയുടെ ഉത്തരവിന് കാത്തുനില്ക്കാതെ സിവില് സപ്ലൈസ് വകുപ്പ് മണ്ണെണ്ണ മൊത്തവ്യാപാരികള്ക്ക് ഒരു ശതമാനം ചോര്ച്ച ആനുകൂല്യം (ലീക്കേജ് അലവന്സ്) അനുവദിച്ചതുമൂലം സര്ക്കാരിന് അഞ്ചുകോടി രൂപ നഷ്ടമുണ്ടായെന്നായിരുന്നു പ്രതിപക്ഷത്തിന്റെ ആരോപണം. ഇത് സംബ്ന്ധിച്ച് കോണ്ഗ്രസിലെ ആര്യാടന് മുഹമ്മദാണ് അടിയന്തരപ്രമേയത്തിന് നോട്ടീസ് നല്കിയത്.
ചോര്ച്ച ആനുകൂല്യം എത്ര നല്കണമെന്ന് കോടതി നിശ്ചയിക്കുമെന്ന് ഉത്തരവായിട്ടും അധിക ആനുകൂല്യം അനുവദിക്കാന് സര്ക്കാര് ധൃതിപിടിച്ച് ഉത്തരവിറക്കിയെന്നും കഴിഞ്ഞ ജൂലായ് മുതല് ഇതുവരെയുള്ള എട്ടുമാസക്കാലം മാസംതോറും 73 ലക്ഷം രൂപയാണ് സര്ക്കാരിന് നഷ്ടമായെന്ന് ആര്യാടന് മുഹമ്മദ് പ്രമേയത്തിന് അവതരണാനുമതി തേടിക്കൊണ്ട് പറഞ്ഞു.മണ്ണെണ്ണ മൊത്തവ്യാപാരി അസോസിയേഷന്റെ നിവേദനം സ്വീകരിച്ചുകൊണ്ടായിരുന്നു ഈ നടപടിയെന്നും ആര്യാടന് ആരോപിച്ചു.
എന്നാല് ഹൈക്കോടതി വിധിക്ക് അനുസൃതമായിതന്നെയാണ് സര്ക്കാര് ലീക്കേജ് നല്കിയതെന്ന മന്ത്രി സി ദിവാകരന്റെ മറുപടിയെത്തുടര്ന്ന് അടിയന്തര പ്രമേയത്തിന് സ്?പീക്കര് അവതരണാനുമതി നിഷേധിക്കുകയായിരുന്നു. ലീക്കേജ് അനുവദിച്ചതില് യാതൊരു ക്രമക്കേടുമില്ലന്നും പ്രതിപക്ഷം പുകമറ സൃഷ്ടിക്കാന് ശ്രമിക്കുകയാണന്നും മന്ത്രി പറഞ്ഞു.