വിവാഹപൂര്വ്വ ലൈംഗികബന്ധം തെറ്റല്ല: കോടതി
വിവാഹിതരാവാത്ത രണ്ടു വ്യക്തികള്ക്ക് ഒന്നിച്ചു കഴിയുന്നതിനും വിവാഹപൂര്വ ലൈംഗികബന്ധത്തിലേര്പ്പെടുന്നതിനും നിയമപരമായി വിലക്കില്ലെന്ന് ചീഫ് ജസ്റ്റിസ് കെ.ജി. ബാലകൃഷ്ണന് അധ്യക്ഷനായ ബെഞ്ച് നിരീക്ഷിച്ചു.
വിവാഹപൂര്വ ലൈംഗികബന്ധത്തെ അനുകൂലിച്ചു സംസാരിച്ചതിന്റെ പേരില് തനിക്കെതിരെ ചുമത്തിയ 22 കേസുകള് റദ്ദാക്കണമെന്നാവശ്യപ്പെട്ട് തമിഴ്നടി ഖുശ്ബു സമര്പ്പിച്ച ഹര്ജി പരിഗണിക്കവേയാണ് സുപ്രീംകോടതിയുടെ ഈ നിരീക്ഷണം.
ശ്രീകൃഷ്ണനും രാധയുംപോലും വിവാഹിതരാവാതെ ഒന്നിച്ചുതാമസിച്ചിരുന്നതായി പുരാണങ്ങളില് പറയുന്നുണ്ട്. ഖുശ്ബുവിന്േറത് വ്യക്തിപരമായ അഭിപ്രായപ്രകടനമാണ്. മുഖാമുഖം പ്രസിദ്ധീകരിച്ചതിനുശേഷം ഏതെങ്കിലും പെണ്കുട്ടികള് ഒളിച്ചോടിയതിന് തെളിവുണ്ടോ ? ഏതു വകുപ്പുപ്രകാരമാണ് അവരുടെ അഭിപ്രായം ക്രിമിനല് കുറ്റമാവുന്നത് ?- കോടതി ചോദിച്ചു.
ഖുശ്ബുവിന്റെ പ്രസ്താവന യുവതലമുറയെ വഴിതെറ്റിക്കുമെന്നും രാജ്യത്തിന്റെ മൂല്യങ്ങളെ ദോഷകരമായി ബാധിക്കുമെന്നുമുള്ള വാദിഭാഗം അഭിഭാഷകന്റെ വാദത്തെ കോടതി രൂക്ഷമായി വിമര്ശിച്ചു.
സ്വാതന്ത്ര്യത്തോടെ ജീവിക്കാനുള്ള അവകാശം മൗലികാവകാശമാണെന്നും ഭരണഘടനയുടെ 21ാം അനുച്ഛേദം ഉദ്ധരിച്ച് കോടതി വ്യക്തമാക്കി.
2005ല് ഒരു വാരികയ്ക്കു നല്കിയ അഭിമുഖത്തില് വിവാഹപൂര്വ ലൈംഗികബന്ധത്തില് തെറ്റില്ല എന്നു ഖുശ്ബു അഭിപ്രായപ്പെട്ടിരുന്നു. ഖുശ്ബുവിന്റെ പരാമര്ശം തമിഴകത്തു വന് വിവാദമായിരുന്നു. ഇതിനെത്തുടര്ന്ന് അവര്ക്കെതിരെ വന് പ്രതിഷേധപ്രകടനങ്ങളും നടന്നു.
ഗര്ഭിണിയാകാതിരിക്കുന്നതിനും രോഗങ്ങള് തടയുന്നതിനും പെണ്കുട്ടികള് മുന്കരുതല് സ്വീകരിക്കുന്നുവെങ്കില്, വിവാഹത്തിനു മുന്പു ലൈംഗികബന്ധത്തില് ഏര്പ്പെടുന്നതില് തെറ്റൊന്നുമില്ലെന്നാണു നടി അഭിപ്രായപ്പെട്ടത്. വിദ്യാഭ്യാസമുള്ള ചെറുപ്പക്കാര് തങ്ങളുടെ വധു കന്യകയാകണമെന്നു പ്രതീക്ഷിക്കില്ലെന്നും അവര് പറഞ്ഞിരുന്നു.