സ്റ്റിയറിങ് തകരാര്‍ അപകടകാരണം: ഡ്രൈവര്‍

കോട്ടയം: സ്റ്റിയറിങ് തകരാറാണ് താഴത്താങ്ങാടി ദുരന്തത്തിന് കാരണമെന്ന് അപകടമുണ്ടായതെന്ന് ബസിന്റെ ഡ്രൈവര്‍ രാധാകൃഷ്ണന്‍.

ബസില്‍ ഏകദേശം അമ്പതോളം പേര്‍ ഉണ്ടായിരുന്നതായും രാധാകൃഷ്ണന്‍ പറഞ്ഞു. സ്റ്റിയറിങിനെയും ചക്രത്തെയും ബന്ധിപ്പിയ്ക്കുന്ന എന്‍ഡ് (ബോള്‍ട്ട് ) വിട്ടു പോയതും എതിരെ വന്ന വാഹനത്തിന് സൈഡ് കൊടുക്കാന്‍ ശ്രമിച്ചതുമാണ് അപകടത്തിനിടയാക്കിയത്.

നിയന്ത്രണം നഷ്ടപ്പെട്ട ബസ് വൈദ്യുത പോസ്റ്റിലിടിച്ച ശേഷം പുഴയിലേയ്ക്ക് വീഴുകയായിരുന്നു. തനിയ്ക്ക് പത്തോളം പേരെ രക്ഷിയ്ക്കാന്‍ കഴിഞ്ഞതായും രാധാകൃഷ്ണന്‍ പറഞ്ഞു. അപകടത്തില്‍ തലയ്ക്ക് പരിക്കേറ്റ രാധാകൃഷ്ണനെ ആശുപത്രിയില്‍ പ്രവേശിപ്പിച്ചിരിയ്ക്കുകയാണ്.