മോഡി എസ്ഐടിയ്ക്ക് മുമ്പാകെ ഹാജരായി
ഹാജരാകണമെന്ന് കാണിച്ച് എസ്എടി തലവന് ആര്.കെ രാഘവനാണ് മോഡിയ്ക്ക് സമന്സ് അയച്ചത്. സുപ്രീം കോടതിയുടെ നിര്ദേശമനുസരിച്ചാണ് കേസ് അന്വേഷണത്തിന് എസ്ഐടി രൂപവത്കരിച്ചത്.
ഗോധ്ര കൂട്ടക്കൊലയ്ക്ക് തുടര്ച്ചയായി നടന്ന ഗുജറാത്ത് കലാപത്തിനിടയില് ഗുല്ബര്ഗ ഹൗസിങ് സൊസൈറ്റിയില് നടന്ന തീവെപ്പും കൂട്ടക്കൊലയുമായി ബന്ധപ്പെട്ട കേസിലാണ് മുഖ്യമന്ത്രി നരേന്ദ്രമോഡിയെ ചോദ്യംചെയ്യുക.
ഗുല്ബര്ഗ സംഭവത്തില്, മുന് കോണ്ഗ്രസ് എം.പി എഹ്സാന് ജഫ്രിയുള്പ്പെടെ ഒട്ടേറെ പേര് കൊല്ലപ്പെട്ടിരുന്നു. അദ്ദേഹത്തിന്റെ വിധവ സാഖിയ ജഫ്രി നല്കിയ പരാതി കണക്കിലെടുത്താണ് ഇപ്പോള് മുഖ്യമന്ത്രിയെ ചോദ്യംചെയ്യുന്നത്.
ഗുല്ബര്ഗ സംഭവത്തിനുപിന്നില് മുഖ്യമന്ത്രി നരേന്ദ്ര മോഡിയും മന്ത്രിസഭയിലെ ചില അംഗങ്ങളുടേയും ഗൂഢാലോചന നടന്നിട്ടുണ്ടെന്നായിരുന്നു സാഖിയ ജഫ്രിയുടെ പരാതി.
എസ്.എ.ടി. രൂപീകരണത്തെ നേരത്തേ എതിര്ത്ത ഗുജറാത്ത് സര്ക്കാര്, ഗുല്ബര്ഗ സംഭവവുമായി ബന്ധപ്പെട്ട രേഖകളുംമറ്റും നല്കാതെ എസ്എടിയുടെ പ്രവര്ത്തനം തടസ്സപ്പെടുത്തിയിരുന്നു.
ഗുല്ബര്ഗ സംഭവവുമായി ബന്ധപ്പെട്ട് എസ്ഐടി. നേരത്തേ തെളിവെടുപ്പ് പൂര്ത്തിയാക്കിയിട്ടുണ്ട്.
Click it and Unblock the Notifications
Sign in with Google