കുവൈത്ത് വിസ: ഓണ്‍ലൈനില്‍ അപേക്ഷിയ്ക്കാം

കുവൈത്ത് സിറ്റി: കുവൈത്തില്‍ വിസയ്ക്കുള്ള അപേക്ഷകള്‍ ഓണ്‍ലൈനില്‍ സമര്‍പ്പിക്കാന്‍ സൗകര്യമൊരുങ്ങുന്നു.

പുതിയ വീസയ്ക്കും ഇഖാമ (താമസാനുമതി) പുതുക്കലിനുമുള്ള അപേക്ഷകള്‍ ഏപ്രില്‍ നാലു മുതല്‍ പൂര്‍ണമായും ഓണ്‍ലൈന്‍ വഴിയാകും.

സാമൂഹികതൊഴില്‍ മന്ത്രാലയത്തെ ആഭ്യന്തര മന്ത്രാലയം ഉള്‍പ്പെടെയുള്ളവയുമായി കംപ്യൂട്ടര്‍ ശൃംഖല വഴി ബന്ധിപ്പിച്ചാണു പുതിയ സംവിധാനം കൊണ്ടുവരുന്നത്.

സാമൂഹികതൊഴില്‍ മന്ത്രാലയത്തില്‍ നല്‍കുന്ന അപേക്ഷയുടെ പകര്‍പ്പ് ആഭ്യന്തര മന്ത്രാലയത്തിലും മറ്റും പരിഗണിച്ച ശേഷമാണു വീസ അനുവദിക്കുന്നത്. നിലവില്‍ ഈ പ്രക്രിയ്ക്കുവേണ്ടിയുള്ള കാലതാമസം ഓണ്‍ലൈന്‍ സംവിധാനം വരുന്നതോടെ ഇല്ലാതാകും.