ടീകോം ഓഫീസ് ഒഴിഞ്ഞു;പദ്ധതിയില് നിന്ന് പിന്മാറും?
കൊച്ചി: സ്മാര്ട് സിറ്റി പദ്ധതിയുമായി ബന്ധപ്പെട്ട് കൊച്ചിയിലെ വാഴക്കാലയില് ആരംഭിച്ച ഓഫീസ് ടീകോം ഒഴിഞ്ഞു. ടീകോം ചീഫ് എക്സിക്യുട്ടീവ് ഓഫിസര് ഫരീദ് അബ്ദുല് റഹ്മാന് നേരിട്ട് വില്ലേജ് ഓഫിസിലെത്തി പ്രമാണം നല്കുകയായിരുന്നു. വിദേശ കമ്പനിയായതിനാലാണ് പ്രമാണത്തിന് റജിസ്ട്രേഷന് വേണ്ടിവന്നിരുന്നത്.
സ്മാര്ട് സിറ്റി പദ്ധതിയില് നിന്ന് പിന്മാറാനുള്ള ടീകോമിന്റെ നീക്കമാണ് ഓഫീസ് ഒഴിഞ്ഞതിന് പിന്നിലെന്ന് റിപ്പോര്ട്ടുകളുണ്ട്. സ്മാര്ട് സിറ്റി ബോര്ഡ് ഓഫ് ഡയറക്ടേഴ്സ് യോഗം തുടങ്ങാന് മണിക്കൂറുകള് ബാക്കി നില്ക്കെയാണ് ടീകോം കൊച്ചിയിലെ ഓഫിസ് ഒഴിഞ്ഞത്.
തിങ്കളാഴ്ച രാവിലെ 11 മണിയോടെ ഫരീദ് അബ്ദുല് റഹ്മാനും കമ്പനിയുടെ മറ്റൊരു ഡയറ്കടര് ആയ രവി ഗില്ലും എത്തിയാണ് ഓഫീസ് ഒഴിയുന്ന നടപടികള് പൂര്ത്തിയാക്കിയത്. നിര്ദിഷ്ട പദ്ധതി പ്രദേശം സന്ദര്ശിച്ചതിന് ശേഷമാണ് ഇവര് പ്രമാണം രജിസ്ട്രേഷന് റദ്ദാക്കിയത്.
ഓഫീസ് സംബന്ധിച്ച പാട്ടക്കരാര് റദ്ദാക്കുന്നവിവരം ടീകോം അധികൃതര് വില്ലേജ് ഓഫീസിനെ അറിയിക്കുകയും രേഖകള് കൈമാറുകയും ചെയ്തു.
5,500 സ്ക്വയര് ഫീറ്റ് വിസ്തൃതിയിലാണ് ഓഫീസ് പ്രവര്ത്തിച്ചിരുന്നത്. പദ്ധതി അനിശ്ചിതമായി നീളുന്നതിനിടെ കഴിഞ്ഞവര്ഷം ജനുവരിയില്തന്നെ ഈ ഓഫീസിലെ പ്രവര്ത്തനങ്ങള് നിര്ത്തിവച്ചിരുന്നു.