പാര്‍ട്ടികളുടെ കയ്യേറ്റം അന്വേഷിക്കാന്‍ ഹര്‍ജി

ദില്ലി: മൂന്നാര്‍ മേഖലയില്‍ രാഷ്ട്രീയ പാര്‍ട്ടികള്‍ നടത്തുന്ന ഭൂമി കയ്യേറ്റങ്ങളെക്കുറിച്ച് കേന്ദ്രസംഘം അന്വേഷിക്കണമെന്ന് ആവശ്യപ്പെട്ട് ഹര്‍ജി. പരിസ്ഥിതി സംഘടനയായ വണ്‍ എര്‍ത്ത് വണ്‍ ലൈഫ് ആണ് ഹര്‍ജി നല്‍കിയിരിക്കുന്നത്.

ഇത്തരം കയ്യേറ്റങ്ങളെക്കുറിച്ച് ആവശ്യമായ തെളിവ് കേന്ദ്രസംഘത്തിന് നല്‍കാന്‍ തയ്യാറാണെന്ന് ഹര്‍ജിയില്‍ വ്യക്തമാക്കിയിട്ടുണ്ട്.

സുപ്രീംകോടതിയുടെ പരിസ്ഥിതി വിഷയങ്ങള്‍ പരിശോധിക്കുന്ന ഉന്നതാധികാര സമിതിക്കാണ് സംഘടന ഹര്‍ജി നല്‍കിയത്.

വനസംരക്ഷണനിയമം നിലവില്‍ വന്ന ശേഷം നടന്ന മുഴുവന്‍ പട്ടയ കൈമാറ്റങ്ങളെക്കുറിച്ചും അന്വേഷണം നടത്തണമെന്നും ഹര്‍ജിയില്‍ പരിസ്ഥിതി പ്രവര്‍ത്തകര്‍ ആവശ്യപ്പെട്ടു.