സെക്രട്ടേറിയറ്റില്‍ പഞ്ചിങ് സംവിധാനം ആരംഭിച്ചു

തിരുവനന്തപുരം: സെക്രട്ടേറിയറ്റില്‍ പഞ്ചിങ് സംവിധാനം ആരംഭിച്ചു. ജീവനക്കാര്‍ കൃത്യസമയങ്ങൡ ഓഫീസിലെത്തുന്നുണ്ടെന്ന് ഉറപ്പാക്കുകയാണ് പഞ്ചിങ് സംവിധാനത്തിലൂടെ ലക്ഷ്യമിടുന്നത്.

ബയോ മെട്രിക് കാര്‍ഡ് കാണിയ്ക്കുമ്പോള്‍ ജീവനക്കാരന്റെ വിവരങ്ങളെത്തും. പിന്നീട് വിരലുപയോഗിച്ചാണ് പഞ്ച് ചെയ്യേണ്ടത്.

മൂന്നു ദിവസം വൈകിയെത്തിയാല്‍ ഒരു ദിവസത്തെ ലീവ് രേഖപ്പെടുത്തും. പഞ്ചിംഗ് സംവിധാനത്തോടുള്ള എതിര്‍പ്പുമായി ജീവനക്കാര്‍ രംഗത്തെത്തിയിട്ടുണ്ട്. നേരത്തെ ഇകെ നായനാര്‍ സര്‍ക്കാരിന്റെ അവസാന കാലത്താണ് സെക്രട്ടേറിയറ്റിന്റെ അനക്‌സ് കെട്ടിടത്തില്‍ പഞ്ചിങ് സംവിധാനം ഏര്‍പ്പെടുത്തിയത്.