കോണ്‍ഗ്രസ് സംഘടന തിരഞ്ഞെടുപ്പ് മെയില്‍

തിരുവനന്തപുരം: കോണ്‍ഗ്രസ് സംസ്ഥാന ഘടകത്തിലെ സംഘടനാ തിരഞ്ഞെടുപ്പ് മെയ് അവസാനത്തോടെ പൂര്‍ത്തിയാക്കുമെന്ന് വരണാധികാരി എം കൃഷ്ണസ്വാമി. ഹൈക്കാമാന്റ് അംഗീകാരത്തോടെ തിരഞ്ഞെടുപ്പ് ഷെഡ്യൂള്‍ തയാറാക്കും. സംഘടനാ തിരഞ്ഞെടുപ്പില്‍ സമവായത്തിനാണ് മുന്‍ഗണന നല്‍കുന്നതെന്നും കൃഷ്ണസ്വാമി വ്യക്തമാക്കി.

കെപിസിസി നേതൃത്വുമായി ചര്‍ച്ച നടത്തിയശേഷം സംസാരിക്കുകയായിരുന്നു കൃഷ്ണസ്വാമി. പഞ്ചായത്ത് തെരഞ്ഞെടുപ്പിന് മുന്‍പ് സംഘടന തെരഞ്ഞെടുപ്പ് പൂര്‍ത്തിയാക്കണമെന്നാണ് കെപിസിസിയുടെ താല്‍പര്യം. എന്നാല്‍ സമയവാത്തിനായിരിക്കും മുന്‍ഗണനയെന്നും അനിവാര്യമാണെങ്കില്‍ മാത്രമേ ചില സ്ഥാനങ്ങളിയേക്ക് തെരഞ്ഞെടുപ്പ് ഉണ്ടാവൂകയുള്ളും എന്നും കൃഷ്ണസ്വാമി വ്യക്തമാക്കി.

രാവിലെ തിരുവനന്തപുരത്ത് കെപിസിസി ആസ്ഥാനത്തെത്തിയ കൃഷ്ണസ്വാമി പ്രതിപക്ഷ നേതാവ് ഉമ്മന്‍ ചാണ്ടി, കെപിസിസി അദ്ധ്യക്ഷന്‍ രമേശ് ചെന്നിത്തല, സംഘടനാ ചുമതലയുള്ള ജനറല്‍ സെക്രട്ടറി എംഐ ഷാനവാസ് എന്നിവരുമായി ചര്‍ച്ച നടത്തി.