മഞ്ചേരി സംഭവം: മാധ്യമങ്ങള്‍ക്കെതിരെ ഉണ്ണിത്താന്‍

തിരുവനന്തപുരം: കുറ്റം ചെയ്തിട്ടില്ലെന്ന് വ്യക്തമായതോടെ പാര്‍ട്ടിയിലെ സ്ഥാനമാനങ്ങള്‍ തിരിച്ചുകിട്ടിയെങ്കിലും മാധ്യമവിചാരണ മൂലം തനിയ്ക്കും കുടുംബത്തിനും നേരിട്ടഅപമാനത്തിന് എന്ത് പകരം തരുമെന്ന് മുതിര്‍ന്ന കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്‍ ചോദിച്ചു.

മഞ്ചേരി സംഭവത്തെപ്പറ്റി ഇനിയും വേണമെങ്കില്‍ മാധ്യമങ്ങള്‍ക്ക് അന്വേഷിയ്ക്കാം. അന്വേഷണത്തില്‍ കുറ്റം ചെയ്തിട്ടുണ്ടെന്ന് തെളിഞ്ഞാല്‍ പൊതുജീവിതം അവസാനിപ്പിക്കാം.

സദാചാര വിരുദ്ധ പ്രവര്‍ത്തനത്തിന് നടപടിയെടുക്കാന്‍ പോയാല്‍ കമ്മ്യൂണിസ്റ്റ് പാര്‍ട്ടിയില്‍ പിന്നെ ആരുമുണ്ടാവില്ലെന്നും ഉണ്ണിത്താന്‍ പറഞ്ഞു.