കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഷോയിബിനെതിരെ സമുദായം ഫത് വ പുറപ്പെടുവിച്ചു

  • By Super
Google Oneindia Malayalam News

Shoaib Malik
കൊല്‍ക്കത്ത: ടെന്നിസ് താരം സാനിയയുടെ പ്രതിശ്രുതവരനും പാകിസ്ഥാന്‍ ക്രിക്കറ്റ് താരവുമായ ഷോയിബ് മാലിക്കിനെതിരെ മുംസ്ലീം പണ്ഡിതര്‍ ഫത്‌വ പുറപ്പെടുവിച്ചു.

കൊല്‍ക്കത്തയിലെ ടിപ്പുസുല്‍ത്താന്‍ പള്ളിയിലെ ഷാഹി ഇമാം സയ്ദ് നൂര്‍ഉര്‍റഹ്മാന്‍ ബര്‍കാതിയാണ് ഷോയൈബിനെതിരെ ഫത്‌വ പുറപ്പെടുവിച്ചിരിക്കുന്നത്. ഒന്നുകില്‍ അയേഷയെ സ്വീകരിക്കുക അല്ലെങ്കില്‍ ഫത് വ നേരിടുക എന്നാണ് ഇമാം ഷോയിബിന് നല്‍കിയിരിക്കുന്ന നിര്‍ദ്ദേശം.

ടെലഫോണിലൂടെ നിക്കാഹ് കഴിച്ചതിനാല്‍ മുസ്ലീം നിയമമനുസരിച്ച് അയേഷയും ഷോയൈബും ഇപ്പോള്‍ ഭാര്യാ ഭര്‍ത്താക്കന്‍മാരാണ്. ഷോയൈബ് വിവാഹത്തെ അംഗീകരിക്കുന്നു എങ്കില്‍ പ്രശ്‌നമൊന്നുമില്ല. എന്നാല്‍, നിഷേധിക്കുകയാണെങ്കില്‍ സമുദായത്തിനു പുറത്താക്കും- ഇമാം വ്യക്തമാക്കി.

ടെലഫോണിലൂടെയുള്ള നിക്കാഹിന് സാധുതയില്ലെന്ന് നേരത്തെ സമുദായ പണ്ഡിതന്‍മാര്‍ നടത്തിയ പ്രസ്താവന ഷോയിബും സാനിയയും തമ്മിലുള്ള വിവാഹത്തിന് സമുദായത്തിന്റെ എതിര്‍പ്പുണ്ടാവില്ലെന്ന സൂചനയായിരുന്നു നല്‍കിയിരുന്നത്.

എന്നാല്‍, കൊല്‍ക്കത്ത ഇമാമിന്റെ ഇടപെടല്‍ ഷോയിബിനെ സമുദായത്തില്‍ നിന്നുള്ള എതിര്‍പ്പിനെയും നേരിടേണ്ടിവരുമെന്ന സൂചനയാണ് നല്‍കുന്നത്.

ഇപ്പോള്‍ ഹൈദരാബാദിലുള്ള ഷോയിബിനെ അയേഷ നല്‍കിയ പരാതിയുടെ അടിസ്ഥാനത്തില്‍ പൊലീസ് ചോദ്യം ചെയ്തിരുന്നു. അനുമതിയില്ലാതെ ഷോയിബ് ഇന്ത്യ വിട്ടുപോകരുതെന്നാണ് പൊലീസിന്റെ നിര്‍ദ്ദേശം.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X