സാനിയ-ഷോയിബ് വിവാഹം കഴിഞ്ഞു?
വിവാഹം സംബന്ധിച്ച വിവാദം പുകയുന്നതിനിടെയാണ് പുതിയ അഭ്യൂഹം പരക്കുന്നത്. ദുബയില്വച്ച് ഇരുവരുടെയും വിവാഹം കഴിഞ്ഞതാണെന്നും അതിനാലാണ് ഷോയിബ് ഇന്ത്യയിലെത്തി സാനിയയുടെ വീട്ടില് താമസിക്കുന്നതെന്നുമാണ് റിപ്പോര്ട്ടുകള് നല്കുന്ന സൂചന.
ഏപ്രില് 15നാണ് ഇരുവരുടെയും വിവാഹമെന്നാണ് വീട്ടുകാര് പറയുന്നത്. എന്നാല് താജ് കൃഷ്ണ ഹോട്ടല് ബുക്ക് ചെയ്തിരിക്കുന്നത് വിവാഹസല്ക്കാരം നടത്താനാണ്. സാനിയയുടെ കുടുംബം തയ്യാറാക്കിയിരിക്കുന്ന വിവാഹക്ഷണക്കത്തിലും വിവാഹ സല്ക്കാരത്തിനാണ് എല്ലാവരെയും ക്ഷണിച്ചിരിക്കുന്നത്.
ഷോയിബിന്റെ ഭാര്യയാണെന്ന് അവകാശപ്പെടുന്ന അയേഷ സിദ്ധിഖി നല്കിയ പരാതിയെത്തുടര്ന്ന് ഷോയിബ് നിയമക്കുരുക്കിലാകുമെന്ന് സൂചനയുള്ളതിനാല് ഇവരുടെ വിവാഹം നീട്ടിവച്ചേയ്ക്കുമെന്ന് സൂചനയുണ്ട്.
ഇതിനിടെയാണ് വിവാഹം നേരത്തേ കഴിഞ്ഞുവെന്ന് റിപ്പോര്ട്ടുകള് വന്നിരിക്കുന്നത്. ഷോയിബ് സാനിയയുടെ വീട്ടില് താമസിക്കുന്നതും ഇത്രയേറെ ആരോപണങ്ങള് ഉണ്ടായിട്ടും സാനിയ ഷോയിബിന് പിന്തുണ നല്കുന്നതും വിവാഹം കഴിഞ്ഞതുകൊണ്ടാണെന്നാണ് സൂചന.