സുനന്ദ പുഷ്‌കര്‍ ഇപ്പോള്‍ ടീകോമിലില്ല

ദുബയ്: ഐപിഎല്‍ കൊച്ചി ടീമിന്റെ ഓഹരിയുടമകളിലൊരാളായ സുനന്ദ പുഷ്‌കര്‍ ഇപ്പോള്‍ ടീകോം ജീവനക്കാരിയല്ലെന്ന് സ്മാര്‍ട് സിറ്റി പദ്ധതി നടത്തിപ്പുകാരായ ടീകോം വ്യക്തമാക്കി. ചെന്നൈയില്‍ നടന്ന ഐപിഎല്‍ ടീം ലേലത്തിന് മുമ്പായി മാര്‍ച്ച് 13ന് സുനന്ദ ടീകോം വിട്ടുവെന്നാണ് വിശദീകരണം.

കൊച്ചി ഐപിഎല്‍ ടീമില്‍ തങ്ങള്‍ക്ക് മുതല്‍മുടക്കോ താത്പര്യങ്ങളോ ഇല്ലെന്നും ദുബയ് ആസ്ഥാനമാക്കി പ്രവര്‍ത്തിയ്ക്കുന്ന കമ്പനി വ്യക്തമാക്കി.

മന്ത്രി ശശിതരൂരിന്റെ സൃഹൃത്ത് സുനന്ദ പുഷ്‌കര്‍ ടീകോം ജീവനക്കാരിയാണെന്ന് കഴിഞ്ഞ ദിവസങ്ങളില്‍ വാര്‍ത്ത വന്നിരുന്നു. ഇതേത്തുടര്‍ന്നാണ് കമ്പനിയുടെ വിശദീകരണം വന്നിരിയ്ക്കുന്നത്.