ആവശ്യമെങ്കില്‍ തച്ചങ്കരിക്കെതിരെ കൂടുതല്‍ നടപടി

കാസര്‍കോഡ്: വിദേശയാത്രാ വിവാദവുമായി ബന്ധപ്പെട്ട നടപടികളുടെ ഭാഗമായാണ് ഉത്തരമേഖാല ഐജി ടോമിന്‍ ജെ തച്ചങ്കരിയെ കണ്ണൂര്‍ റേഞ്ച് ഐജി സ്ഥാനത്തു നിന്നു മാറ്റിയതെന്ന് ആഭ്യന്തര മന്ത്രി കോടിയേരി ബാലകൃഷ്ണന്‍

ഡിജിപിയുടെ റിപ്പോര്‍ട്ട് പരിശോധിച്ചശേഷം ആവശ്യമെങ്കില്‍ കൂടുതല്‍ നടപടി സ്വീകരിക്കുമെന്നും മന്ത്രി വ്യക്തമാക്കി.

ഇതോടെ തച്ചങ്കരിക്ക് പുതിയ തസ്തിക നല്‍കാതിരുന്നതിനു കാരണം ഏറെക്കുറേ വ്യക്തമായി. തച്ചങ്കരിക്കെതിരേ കൂടുതല്‍ നടപടി വേണമെന്ന് സമ്മര്‍ദ്ദമുള്ളതായി റിപ്പോര്‍ട്ടുകളുണ്ട്.