ഇന്ത്യയില്‍ ഭീകരാക്രമണം ഉണ്ടായേക്കാം: യുഎസ്

വാഷിങ്ടണ്‍: ഇന്ത്യയില്‍ ഭീകരാക്രമണ സാധ്യത ഇപ്പോഴും നിലനില്‍ക്കുന്നുണ്ടെന്ന് അമേരിക്കയുടെ മുന്നറിയിപ്പ്. ഇന്ത്യയില്‍ യാത്ര ചെയ്യുന്ന അമേരിയ്ക്കന്‍ പൗരന്‍മാര്‍ ജാഗ്രത പുലര്‍ത്തണമെന്നും യുഎസ് വിദേശ കാര്യ മന്ത്രാലയം പുറത്തിറക്കിയ കുറിപ്പില്‍ വ്യക്തമാക്കുന്നു.

ഭീകരാക്രമണം ഏപ്പോള്‍ വേണമെങ്കിലും ഉണ്ടാകാമെന്ന വിവരമാണ് അമേരിയ്ക്കന്‍ രഹസ്യാന്വേഷണ ഏജന്‍സികള്‍ക്ക് ലഭിച്ചിട്ടുള്ളത്. ഇന്ത്യയിലെ പ്രധാന നഗരങ്ങള്‍, റെയില്‍വെ സ്‌റ്റേഷനുകള്‍, പൊതുസ്ഥലങ്ങള്‍, ഹോട്ടലുകള്‍, തുടങ്ങിയവയെല്ലാം ഭീകരര്‍ ലക്ഷ്യം വെച്ചേക്കും.

2008ലെ മുംബൈ ആക്രമണവും, 2010ലെ പുനെ ആക്രമണവും ഇതാണു വെളിവാക്കുന്നത്. യുഎസ് പൗരന്‍മാര്‍, മറ്റ് പാശ്ചാത്യരാജ്യങ്ങളില്‍ നിന്നുള്ളവര്‍ തുടങ്ങിയവരെ ഭീകരര്‍ പ്രത്യേകം ലക്ഷ്യമിട്ടേക്കുമെന്നും മുന്നറിയിപ്പില്‍ പറയുന്നു.