അധ്യാപികയ്ക്കുമുന്നില് ഗൃഹനാഥന് നഗ്നനായി
കൊച്ചി: സെന്സസ് ജോലിക്കെത്തിയ അധ്യാപികയ്ക്കു മുന്പില് ഗൃഹനാഥന് പൂര്ണ നഗ്നനായെന്നു പരാതി. പരാതിയുടെ അടിസ്ഥാനത്തില് ഏലൂര് ഈസ്റ്റ് വഴി നടയ്ക്കല് വി.കെ. രമേശന്(45)അറസ്റ്റിലായി. എടയാര് സര്ക്കാര് ഹൈസ്കൂളിലെ അധ്യാപികയ്ക്ക് മുമ്പിലാണ് ഇയാള് തുണിയുരിഞ്ഞത്.
ഉച്ചയ്ക്കു രണ്ടു മണിയോടെ എത്തിയ അധ്യാപികയോടു രമേശ ഭാര്യയും അമ്മയും വീട്ടില് ഉണ്ടെന്നു പറഞ്ഞു. കുടിക്കാന് വെള്ളം ആവശ്യപ്പെട്ട അധ്യാപികയ്ക്കു ഇയാള് വെള്ളം നല്കുകയും ചെയ്തു.
സെന്സസ് ഫോമുകളില് ചേര്ക്കാന് ആവശ്യമായ വിവരങ്ങള് ആരാഞ്ഞു തുടങ്ങിയപ്പോഴാണു രമേശ് പൂര്ണനഗ്നനായി നില്ക്കുന്നത് അധ്യാപിക കണ്ടത്.
അധ്യാപിക അടുത്ത വീട്ടിലേക്ക് ഓടിക്കയറി ഭര്ത്താവിനെ വിളിച്ചുവരുത്തുകയായിരുന്നു വിവരം അറിഞ്ഞു പരിസരവാസികളും തടിച്ചുകൂടി.
വില്ലേജ് ഓഫിസര് എത്തി പരാതി നല്കിയതോടെ രമേശിനെ പൊലീസ് അറസ്റ്റ് ചെയ്തു. അധ്യാപിക വീട്ടില് വന്നപ്പോള് ലുങ്കിയും ഷര്ട്ടുമായിരുന്നു രമേശിന്റെ വേഷമെന്നു പൊലീസ് പറഞ്ഞു. വീട്ടില് മറ്റാരും ഉണ്ടായിരുന്നില്ല. രമേശിനെ ചൊവ്വാഴ്ച കോടതിയില് ഹാജരാക്കും