കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നിത്യാനന്ദയുടെ ആശ്രമത്തില്‍ ലൈംഗിക ക്ലാസും

  • By Lakshmi
Google Oneindia Malayalam News

Nithyananda
ബാംഗ്ലൂര്‍: ലൈംഗിക വിവാദത്തില്‍ പെട്ട സ്വാമി നിത്യാനന്ദയുടെ ആശ്രമത്തില്‍ പ്രായപൂര്‍ത്തിയായവര്‍ക്കായി നിത്യാനന്ദ ലൈംഗിക വിദ്യാഭ്യാസ പരിപാടി നടത്തിയിരുന്നുവെന്ന് റിപ്പോര്‍ട്ട്.

ഇതുസംബന്ധിച്ച രേഖകള്‍ ബിഡദിയിലെ ആശ്രമത്തില്‍നിന്നു കണ്ടെടുത്തതായി പൊലീസ് വെളിപ്പെടുത്തി. 21 വയസ്സ് പൂര്‍ത്തിയായ പുരുഷന്മാര്‍ക്കും 18 തികഞ്ഞ സ്ത്രീകള്‍ക്കും മാത്രമേ പ്രവേശനമുള്ളൂ എന്നും പൊലീസില്‍ അറിയിക്കരുതെന്നുമുള്ള നിബന്ധനകള്‍ കരാര്‍ രേഖകളിലുണ്ട്.

ഈ പരിശീലന പരിപാടിയില്‍ പങ്കെടുക്കുന്നവര്‍ പരിശീലനത്തിനിടെയുള്ള സംഭവങ്ങളൊന്നും വെളിപ്പെടുത്തില്ല എന്ന സമ്മതപത്രത്തില്‍ ഒപ്പിട്ടു നല്‍കിയിരുന്നു എന്ന് പൊലീസ് പറയുന്നു.

ലേണിംഗ് ഫ്രം മാസ്റ്റര്‍ പ്രോഗ്രാം എന്ന പേരിലാണ് പരിശീലന പരിപാടി നടത്തിയിരുന്നത്. പരിപാടിയില്‍ പങ്കെടുക്കുന്ന ആരും പരിശീലനം പൂര്‍ത്തിയാക്കിയ ശേഷം അതെ കുറിച്ച് വെളിപ്പെടുത്തല്‍ നടത്തുകയോ നിയമപരമായ നടപടി സ്വീകരിക്കുകയോ ചെയ്യില്ല എന്നാണ് ഒപ്പിട്ടു നല്‍കിയിരുന്നത്.

പുരാതന താന്ത്രിക രഹസ്യങ്ങളുടെ പഠനവും പരിശീലന പരിപാടിയില്‍ ഉള്‍പ്പെട്ടേക്കാമെന്ന് അറിയാമെന്നും ഈ പഠന പരിപാടിയില്‍ സ്ത്രീപുരുഷ നിര്‍വൃതിയെക്കുറിച്ചുള്ള കാര്യങ്ങളും ശാരീരികവും മാനസികവുമായ അടുത്തിടപഴകലും ഉള്‍പ്പെടുന്നു എന്ന ധാരണയുണ്ടെന്നും ഒപ്പിട്ടു നല്‍കുന്ന കരാറില്‍ പറയുന്നുണ്ട്.

നഗ്‌നത, ലൈംഗിക ചോദനയുണര്‍ത്തുന്ന സംസാരം, ടേപ്പുകള്‍, ചിത്രങ്ങള്‍, പുസ്തകങ്ങള്‍ തുടങ്ങിയവയും പഠന പരിപാടിയുടെ ഭാഗമായേക്കാമെന്നും ഈ സമ്മതപത്രത്തില്‍ പറയുന്നു.

ബാംഗ്ലൂരിലെ ആശ്രമത്തില്‍ നടത്തിയ തെരച്ചിലില്‍ ലാപ്‌ടോപ്പുകളും മൊബൈലുകളും സമ്മതപത്രങ്ങളും അടക്കം ഒട്ടേറെ രേഖകള്‍ സിഐഡി പിടിച്ചെടുത്തത്. പരിശീലന പരിപാടിയില്‍ പങ്കെടുത്തവരില്‍ ഭൂരിഭാഗവും സ്ത്രീകളാണെന്നും അവരില്‍ ഏറ്റവും കൂടുതല്‍ പേരും തമിഴ്‌നാട്ടില്‍ നിന്നുള്ളവരാണെന്നും വിവിധ റിപ്പോര്‍ട്ടുകള്‍ സൂചിപ്പിക്കുന്നു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X