Get Updates
Get notified of breaking news, exclusive insights, and must-see stories!

ലീഡറെ കണ്ടത് ഗ്രൂപ്പുണ്ടാക്കാനല്ല: ഉമ്മന്‍ ചാണ്ടി

Oommen Chandy
തിരുവനന്തപുരം: മുതിര്‍ന്ന കോണ്‍ഗ്രസ് നേതാവ് കെ കരുണാകരനെ താന്‍ കണ്ടത് ഗ്രൂപ്പ് ഉണ്ടാക്കാനല്ലെന്ന് പ്രതിപക്ഷനേതാവ് ഉമ്മന്‍ ചാണ്ടി. കരുണാകരനുമായുള്ള വ്യാഴാഴ്ച തിരുവനന്തപുരത്ത് മാധ്യമപ്രവര്‍ത്തകരോട് സംസാരിക്കവേയാണ് ഉമ്മന്‍ ചാണ്ടി ഇക്കാര്യം പറഞ്ഞത്.

തന്നെയും കെ കരുണാകരനെയും അറിയുന്ന ആരും ഗ്രൂപ്പുണ്ടാക്കാനാണ് കൂടിക്കാഴ്ച നടത്തിയതെന്ന് കരുതില്ല. പാര്‍ട്ടി കഴിഞ്ഞു മാത്രമേ ഗ്രൂപ്പ് ഉള്ളൂ എന്ന നിലപാടാണ് എല്ലാവരും സ്വീകരിക്കുന്നത്.

കരുണാകരന്റെ ആരോഗ്യസ്ഥിതി അന്വേഷിക്കാനാണ് വീട്ടില്‍ പോയത്. കരുണാകരന്‍ ആശുപത്രിയിലായിരുന്നപ്പോള്‍ കാണാന്‍ പോകാന്‍ കഴിഞ്ഞില്ല. അതുകൊണ്ടാണ് വീട്ടില്‍ പോയത്. ഗ്രൂപ്പുകള്‍ക്ക് അതീതമായി പാര്‍ട്ടി ശക്തിപ്പെടണമെന്നാണ് പ്രവര്‍ത്തകരുടെ വികാരം- ഉമ്മന്‍ ചാണ്ടി പറഞ്ഞു.

താന്‍ നല്‍കിയ പട്ടികയില്‍ നിന്നു പോഷക സംഘടനകളുടെ സംസ്ഥാന ഭാരവാഹികളായി ആരെയും നിയമിച്ചില്ലെന്ന കാര്യം കരുണാകരന്‍ ഉമ്മന്‍ ചാണ്ടിയുടെ ശ്രദ്ധയില്‍പ്പെടുത്തിയതായി സൂചനയുണ്ട്.

നിലവില്‍ പ്രതിപക്ഷ നേതാവായിരിക്കുന്ന ഉമ്മന്‍ ചാണ്ടിക്കെതിരെ കെ പി സി സി അധ്യക്ഷന്‍ രമേശ് ചെന്നിത്തല വിശാല ഐ ഗ്രൂപ്പുമായി മുന്നോട്ടു പോകുന്ന സാഹചര്യത്തിലായിരുന്നു കരുണാകരനുമായുള്ള ചാണ്ടിയുടെ കൂടിക്കാഴ്ചയെന്നാണ് വിലയിരുത്തപ്പെടുന്നത്. കരുണാകര വിഭാഗം വരും ദിവസങ്ങളില്‍ തങ്ങളുടെ നിലപാട് വ്യക്തമാക്കുമെന്നാണ് സൂചന.

അതേസമയം, സംസ്ഥാനത്തിന്റെ വിവിധ ഭാഗങ്ങളില്‍ രമേശ് ചെന്നിത്തലയുടെ മൌനാനുവാദത്തോടെ വിശാല ഐ ഗ്രൂപ്പ് യോഗം ചേര്‍ന്നിരുന്നു. വരുന്ന യൂത്ത് കോണ്‍ഗ്രസ് തെരഞ്ഞെടുപ്പിലും സംഘടന തെരഞ്ഞെടുപ്പിലും ആധിപത്യം ഉറപ്പിക്കുക എന്ന ലക്ഷ്യത്തോടെയായിരുന്നു വിശാല ഐ ഗ്രൂപ്പ് യോഗം ചേര്‍ന്നിരുന്നത്.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+