വിവാഹ വിരുന്ന്: മൂന്നരക്കോടി വേണമെന്ന് ഷോയിബ്

ലാഹോര്‍: സ്വന്തം വിവാഹസല്‍ക്കാരം ടെലിവിഷനില്‍ സംപ്രേഷണം ചെയ്യാന്‍ പാകിസ്താന്‍ ക്രിക്കറ്റ് താരം ഷോയിബ് മാലിക്ക് ചോദിച്ചത്് മൂന്നരക്കോടി രൂപ.

പാകിസ്താനിലെ സിയാല്‍കോട്ടില്‍ വെച്ച് നടന്ന വിവാഹ വിരുന്ന് ടെലിവിഷനിലൂടെ സംപ്രേക്ഷണം ചെയ്യാനാണ് ഷൊയബ് മൂന്നരക്കോടി രൂപ ആവശ്യപ്പെട്ടത്. പണം നല്‍കിയ ചാനലിനെ ഒഴിച്ച് ബാക്കിയുള്ളവരെ ചടങ്ങില്‍ നിന്നും പുറത്താക്കിയെന്നും റിപ്പോര്‍ട്ടുകള്‍ സൂചിപ്പിക്കുന്നു.

ചടങ്ങില്‍ ഷൊയബിന്റെ കുടുംബാംഗങ്ങളെല്ലാം പങ്കെടുത്തിരുന്നു വിവാദങ്ങള്‍ക്കൊടുവില്‍ ഏപ്രില്‍ ഒന്‍പതിനാണ് ടെന്നീസ് താരം സാനിയ മിര്‍സ പാക് ക്രിക്കറ്റ് താരം ഷൊയബ് മാലിക്കിനെ വിവാഹം കഴിച്ചത്.

വിവാഹ സല്‍ക്കാരത്തിന്റെ ടെലിവിഷന്‍ സംപ്രേക്ഷണ അവകാശത്തിനായി രണ്ട് ടെലിവിഷന്‍ ചാനലുകളുമായി മാലിക് ചര്‍ച്ച നടത്തിവരികയാണെന്നും ഇതുവരെ കരാറില്‍ എത്തായാനിട്ടില്ലെന്ന് ഒരു പാക് ടി വി ചാനല്‍ റിപ്പോര്‍ട്ട് ചെയ്തു.

ഷൊയൈബിന്റെ വിവാഹ സല്‍ക്കാരത്തില്‍ എല്ലാ മാധ്യമങ്ങളെയും പങ്കെടുപ്പിക്കുമെന്ന് അദ്ദേഹത്തിന്റെ സഹോദരി ഭര്‍ത്താവ് ഇമ്രാന്‍ സഫര്‍ കഴിഞ്ഞ ദിവസം വ്യക്തമാക്കിയിരുന്നു.

പാകിസ്ഥാനിലെത്തിയ ശേഷം സാനിയയും ഷൊയൈബും മാധ്യമങ്ങള്‍ക്ക് മുന്നിലെത്തിയിട്ടില്ല. ഒരു ഇന്ത്യന്‍ ടെലിവിഷന്‍ ചാനലുമായി കരാര്‍ ഉള്ളതിനാലാണ് സാനിയ അഭിമുഖങ്ങള്‍ നല്‍കാത്തതെന്നാണ് വിശദീകരണം.

അതേസമയം 27 ന്് നടക്കുന്ന വിവാഹ സല്‍ക്കാരത്തില്‍ പങ്കെടുക്കാനായി സാനിയയുടെ കുടുംബാംഗങ്ങള്‍ പാകിസ്ഥാനിലെത്തിയിട്ടുണ്ട്. സാനിയയുടെ പിതാവ് ഇമ്രാന്‍ മിര്‍സ, സഹോദരി അരും മിര്‍സ മറ്റ് കുടുംബാംഗങ്ങള്‍ എന്നിവരാണ് പാകിസ്ഥാനിലെത്തിയത്.