സരോഷ്‌ ഹോമി കപാഡിയ സുപ്രീംകോടതി ചീഫ് ജസ്റ്റിസ്

ദില്ലി: സുപ്രീം കോടതി ചീഫ് ജസ്റ്റിസായി സരോഷ്‌ഹോമി കപാഡിയ ചുമതലയേല്‍ക്കും. മലയാളിയായ ചീഫ് ജസ്റ്റിസ് കെ.ജി. ബാലകൃഷ്ണന്‍ വിരമിക്കുന്ന ഒഴിവിലാണു കപാഡിയയുടെ നിയമനം. നിയമന ഉത്തരവില്‍ രാഷ്ട്രപതി പ്രതിഭാ പാട്ടീല്‍ ഒപ്പുവച്ചു.

ചീഫ് ജസ്റ്റിസ് കെജി ബാലകൃഷ്ണനാണ് അറുപത്തിരണ്ടുകാരനായ കപാഡിയയെ നാമനിര്‍ദേശം ചെയ്തത്, അദ്ദേഹം 12ന് ചുമതലയേല്‍ക്കും. 2003 വരെ ഉത്തരാഞ്ചല്‍ ഹൈക്കോടതി ചീഫ് ജസ്റ്റിസായിരുന്ന കപാഡിയ ഇപ്പോള്‍ സുപ്രീംകോടതി ജഡ്ജിയാണ്.

1947 സെപ്റ്റംബര്‍ 29നു ജനിച്ച കപാഡിയ 1974 ല്‍ മുംബൈ ഹൈക്കോടതി അഭിഭാഷകനായാണ് ഔദ്യോഗികജീവിതത്തിന് തുടക്കമിട്ടത്.