അഭയ: ജോമോനെതിരായെ ഹൈക്കോടതി ഉത്തരവ് റദ്ദാക്കി

ദില്ലി: അഭയ കേസ് സജീവമാക്കി നിര്‍ത്തിയ ജോമോന്‍ പുത്തന്‍ പുരയ്ക്കലിനെതിരെയുള്ള ഹൈക്കോടതി ഉത്തരവ് സുപ്രീം കോടതി റദ്ദാക്കി. പൊതുപ്രശ്‌നങ്ങളില്‍ ഇടപെട്ട് വ്യവഹാരം നടത്തുന്ന ജോമോന്റെ സാമ്പത്തിക സോത്രസ്സ് അന്വേഷിയ്ക്കണെന്ന ഉത്തരവാണ് റദ്ദാക്കിയത്.

അന്വേഷണത്തിന് ഉത്തരവിട്ട് കൊണ്ട് ഹൈക്കോടതി ജസ്റ്റിസ് വി രാംകുമാര്‍ നടത്തിയ പരാമര്‍ശങ്ങളും സുപ്രീംകോടതി നീക്കി.

ഹൈക്കോടതി നല്‍കിയ ചോദ്യാവലിക്ക് ജോമോന്‍ നല്‍കിയ വിശദീകരണം തൃപ്തികരമാണെന്നും സുപ്രീംകോടതി ചൂണ്ടിക്കാട്ടി. ചീഫ് ജസ്റ്റിസ് കെ ജി ബാലകൃഷ്ണന്റെ അധ്യക്ഷതയിലുള്ള ബഞ്ചിന്റേതാണ് വിധി.