മൂന്നാറില്‍ വന്‍ കയ്യേറ്റങ്ങളില്ല: കേന്ദ്ര സംഘം

ദില്ലി: മൂന്നാറില്‍ കാര്യമായ വനം കയ്യേറ്റങ്ങളുണ്ടായിട്ടില്ലെന്ന് കേന്ദ്ര സംഘത്തിന്റെ റിപ്പോര്‍ട്ട്. വനഭൂമി സംബന്ധിച്ച് വിജ്ഞാപനം ഉടന്‍ പുറത്തിറക്കണമെന്നും കേന്ദ്ര സംഘം റിപ്പോര്‍ട്ടില്‍ ശുപാര്‍ശ ചെയ്തു. റിപ്പോര്‍ട്ട് തിങ്കളാഴ്ച പരിസ്ഥിതി മന്ത്രി ജയറാം രമേശിനു റിപ്പോര്‍ട്ട് സമര്‍പ്പിക്കും.

മൂന്നാറിലും പരിസര പ്രദേശങ്ങളിലും വനഭൂമിയില്‍ കയ്യേറ്റമുണ്ടായിട്ടുണ്ടെന്നു പരാതി ലഭിച്ചതിനെത്തുടര്‍ന്നാണ് പരിസ്ഥിതി മന്ത്രാലയം ഉന്നത സംഘത്തെ നിയോഗിച്ചത്. വനസംരക്ഷണ നിയമം ലംഘിക്കപ്പെട്ടിട്ടുണ്ടോ എന്നു പഠിക്കാനായിരുന്നു സംഘത്തിനു ലഭിച്ച നിര്‍ദേശം.

റവന്യു ഭൂമി കയ്യേറ്റം ഉള്‍പ്പെടെയുള്ള കാര്യങ്ങള്‍ സംഘത്തിന്റെ അന്വേഷണ പരിധിയില്‍ ഉള്‍പ്പെട്ടിരുന്നില്ല. ഇതു സംസ്ഥാന സര്‍ക്കാരിന്റെ അധികാര പരിധിയിലാണ്.