ഇന്ത്യയിലെ ഏറ്റവും വിലകുറഞ്ഞ മൊബൈല്‍ ഫോണ്‍

ഇന്ത്യയിലെ ഏറ്റവും വിലകുറഞ്ഞ മൊബൈല്‍ ഫോണ്‍ വോഡഫോണ്‍ പുറത്തിറക്കി. വെറും 799 രൂപ മാത്രമാണ് ഇതിന്റെ വില. മൊബൈല്‍ സേവന ദാതാക്കളെല്ലാം തന്നെ ഇന്ത്യയിലെ ഗ്രാമങ്ങളെയും കുറഞ്ഞ വരുമാനക്കാരേയും ലക്ഷ്യം വയ്ക്കുകയാണ്. ഇതിന്റെ ഭാഗമായാണ് ഇത്രയും വിലകുറഞ്ഞ ഫോണ്‍ വോഡഫോണ്‍ പുറത്തിറക്കുന്നത്. വിഎഫ് 150 എന്നാണ് ഈ മൊബൈലിന്റെ പേര്.

ദിനവും പുതിയ നിരക്ക് പദ്ധതികള്‍ പ്രഖ്യാപിയ്ക്കുന്ന മൊബൈല്‍ സേവന ദാതാക്കളില്‍ നിന്നുള്ള പുതിയ ഒരു നീക്കമാണിത്.

വില കുറവാണെങ്കിലും ഒട്ടേറെ മികച്ച സൗകര്യങ്ങള്‍ ഈ ഫോണിലുണ്ടെന്നതാണ് നല്ല കാര്യം. അതിനെക്കാലും സന്തോഷപ്രദമായ വാര്‍ത്ത ഈ ഫോണില്‍ ഏത് കമ്പനിയുടെ സികാര്‍ഡും ഉപയോഗിയ്ക്കാമെന്നതാണ്.

ലോകത്തിലെ തന്നെ ഏറ്റവും വിലകുറഞ്ഞ ഫോണാണ് ഇതെന്നാണ് വോഡാഫോണ്‍ അവകാശപ്പെടുന്നത്.