ബില് ഗേറ്റ്സിന് അമേഠിയില് രാഹുലിന്റെ വിരുന്ന്
കഴിഞ്ഞ ദിവസംവരെ വളരെ രഹസ്യമായിരുന്നും ബില് ഗേറ്റ്സിന്റെ ഉത്തര്പ്രദേശ് സന്ദര്ശനം. എന്നാല് തിങ്കളാഴ്ച രാത്രിയായപ്പോഴേക്കും സംഭവം ലോകമറിഞ്ഞു. ഗേറ്റ്സിനൊപ്പം രാഹുലും അമേഠിയില് എത്തുന്നുണ്ട്.
അടുത്തിടെ അമേഠി സന്ദര്ശിച്ച ബ്രിട്ടീഷ് വിദേശകാര്യ സെക്രട്ടറി ഡേവിഡ് മില്ബന്ഡിന് നല്കിയതിന് സമാനമായ സ്വീകരണമാണ് ബില്ഗേറ്റ്സിനും രാഹുല് ഒരുക്കുന്നതെന്നാണ് സൂചന. അമേഠിയിലെത്തിയ ഡേവിഡും രാഹുലും രാത്രി ഒരു ദളിത് സ്ത്രീയുടെ വീട്ടിലായിരുന്നു തങ്ങിയത്.
ഇത് വന്വാര്ത്തയും പിന്നീട് വിവാദവുമായി മാറി. അമേഠിയിലെത്തുന്ന ബില് ഗേറ്റ്സുമായി മണ്ഡലത്തിലുള്ള സ്ത്രീകളുടെ സ്വയംസഹായ സംഘങ്ങള്ക്ക് സംവാദം നടത്താനുള്ള അവസരമൊരുക്കാനും രാഹുല് ആലോചിക്കുന്നുണ്ടത്രേ.
ദില്ലിയില് നിന്നും ചാര്ട്ടേഡ് വിമാനത്തില് യുപിയിലെ ഫര്സാഗഞ്ചില് എത്തുന്ന രാഹുലും ഗേറ്റ്സും അവിടെനിന്നും റോഡ് മാര്ഗ്ഗമാണ് അമേഠിയിലെത്തുക.
കോണ്ഗ്രസിന്റെ മുതിര്ന്ന നേതാക്കള്ക്കു പോലും ബില് ഗേറ്റ്സിന്റെ സന്ദര്ശനത്തെക്കുറിച്ച് അറിയില്ല. മാധ്യമങ്ങളില് നിന്നും ഇക്കാര്യം മറച്ചുവെച്ചിരിക്കുകയായിരുന്നു.