നായ പരാമര്‍ശം; ഗഡ്കരി മാപ്പു പറഞ്ഞു

ചണ്ഡിഗഡ്: മുലായം സിങ് യാദവും ലാലു പ്രസാദ് യാദവും സോണിയയുടെ അനുസരണയുള്ള നായകളാണെന്ന പരാമര്‍ശത്തില്‍ ബിജെപി അധ്യക്ഷന്‍ നിതിന്‍ ഗഡ്കരി മാപ്പു പറഞ്ഞു.

മുലായത്തെയും ലാലുവിനെയും അപമാനിക്കണമെന്ന് താന്‍ ഉദ്ദേശിച്ചിരുന്നില്ലെന്നും അദ്ദേഹം പറഞ്ഞു. ഖണ്ഡനോപക്ഷേപവേളയിലെ ഇവരുടെ പെരുമാറ്റത്തെ കാണിക്കാന്‍ താന്‍ ഒരു ചൊല്ലെന്ന രീതിയില്‍ മാത്രമാണ് നന്ദിയുള്ള നായകള്‍ എന്ന പ്രയോഗം ഉപയോഗിച്ചത്-ഗ്ഡ്കരി ഒരു പ്രസ്താവനയില്‍ വ്യക്തമാക്കി.

മുലയാവും ലാലുവും സോണിയയുടെ കാലുനക്കുന്ന പട്ടികളാണെന്നും അതുകൊണ്ടാണ് അവര്‍ ഖണ്ഡനോപക്ഷേപ വേളയില്‍ സര്‍ക്കാറിനെതിരെ പ്രതികരിക്കാതിരുന്നതെന്നുമാണ് ഗഡ്കരി പറഞ്ഞത്. ഈ പരാമര്‍ശം വിവാദത്തിന് വഴിവച്ചിരുന്നു.