മാണി-ജോസഫ് ലയനം 27ന്

കോട്ടയം: കേരളാ കോണ്‍ഗ്രസ്-മാണി ജോസഫ് ലയനം മെയ് 27ന് കോട്ടയത്ത് നടക്കും. തിരുനക്കര മൈതാനത്ത് വച്ചായിരിക്കും ലയന സമ്മേളനം ചേരുക. ലയനത്തെക്കുറിച്ച് അന്തിമ തീരുമാനമെടുക്കാന്‍ മാണി വിഭാഗത്തിന്റെ സ്റ്റീയറിങ് കമ്മിറ്റി ശനിയാഴ്ച ഉച്ചയ്ക്ക് കോട്ടയത്ത് ചേരുന്നുണ്ട്.

ലയനം സംബന്ധിച്ച് യുഡിഎഫില്‍ ഉയര്‍ന്ന തര്‍ക്കം പരിഹാരമാകാതെ നീളുന്നതിനിടയിലും ലയനലവുമായി മുന്നോട്ടുപോകുമെന്ന നിലപാടിലാണ് കേരളാ കോണ്‍ഗ്രസ് മാണി വിഭാഗം.

ഇരുപാര്‍ട്ടികളും തമ്മിലുള്ള ധാരണയനുസരിച്ച് പിജെ ജോസഫിന് വര്‍ക്കിങ് ചെയര്‍മാന്‍ സ്ഥാനം നല്‍കുമെന്നാണ് അറിയുന്നത്. കേരള കോണ്‍ഗ്രസ്(എം) എന്നു തന്നെയാവും പാര്‍ട്ടിയുടെ പേരെന്ന് ഏതാണ്ട് ഉറപ്പായിട്ടുണ്ട്്. ജോസഫ് വിഭാഗത്തിനു കാസര്‍കോട്, ഇടുക്കി, പാലക്കാട്, എറണാകുളം, തൃശൂര്‍ ജില്ലകളിലെ പ്രസിഡന്റു സ്ഥാനമാവും ലഭിക്കുക.