നിത്യാനന്ദയെ ചോദ്യം ചെയ്യുന്നത് പുറത്തായി
സിന്ചാന മീഡിയ എന്ന കമ്പനിയിലെ ഒരു ഉദ്യോഗസ്ഥന് പറഞ്ഞതനുസരിച്ചാണ് താന് നിത്യാനന്ദയെ ചോദ്യം ചെയ്യുന്നതിന്റെ വീഡിയോ മോഷ്ടിച്ചതെന്ന് പിടിയിലായ സുരേഷ് എന്നയാള് വ്യക്തമാക്കിയിട്ടുണ്ട്.
ബാംഗ്ലൂരിലെ ജയനഗറിലാണ് ഈ സ്ഥാപനം പ്രവര്ത്തിക്കുന്നത്. സ്വാമിയെ ചോദ്യംചെയ്യുന്നതിന്റെ ദൃശ്യങ്ങള് യുട്യൂബില് പ്രചരിച്ചതോടെയാണ് ഇവ പുറത്തുപോയകാര്യം സിഐഡികള് അറിഞ്ഞത്.
കമ്പ്യൂട്ടറിന്റെ ഐപി അഡ്രസ് പിന്തുടര്ന്നാണ് പൊലീസ് ഇയാളെ കണ്ടെത്തിയത്. സിഐഡി കസ്റ്റഡിയിലായിരുന്ന സമയത്ത് നിത്യാനന്ദയെ ചോദ്യം ചെയ്യലിനുള്ള പ്രത്യേക മുറിയില് വച്ചാണ് ചോദ്യം ചെയ്തിരുന്നത്.
ഇതിന്റെ ദൃശ്യങ്ങളാണ് പുറത്തുപോയത്. സാധാരണ കേസുകളില് ചോദ്യം ചെയ്യലിന്റെ ദൃശ്യങ്ങളും, ശബ്ദവും പകര്ത്തുന്നയാളാണ് സുരേഷ്. ഇത്തരത്തില് നിത്യാനന്ദയെ ചോദ്യം ചെയ്യുന്നതിന്റെ ദൃശ്യങ്ങള് അധികൃതര് അറിയാതെ ഇയാള് പുറത്തുവിടുകയായിരുന്നു.
സുരേഷിനും സുരേഷിനെ ഇതിന് നിയോഗിച്ചവര്ക്കുമെതിരെ സൈബര് നിയമപ്രകാരം കേസെടുത്തിട്ടുണ്ട്. സിന്ചാന മീഡിയയില് നടത്തിയ പരിശോധനയില് കമ്പ്യൂട്ടറില് സൂക്ഷിച്ച നിലയില് ചോദ്യം ചെയ്യലിന്റെ ദൃശ്യങ്ങള് കണ്ടെത്തിയിട്ടുണ്ട്.
സിന്ചാന മീഡിയയിലെ കമ്പ്യൂട്ടറില് നിന്നുതന്നെയാണ് ദൃശ്യങ്ങള് യുട്യൂബില് അപ് ലോഡ് ചെയ്തിരിക്കുന്നതെന്നും കണ്ടെത്തിയിട്ടുണ്ട്. സുരേഷിനെ ജുഡീഷ്യല് കസ്റ്റഡിയില് റിമാന്ററ് ചെയ്തിരിക്കുകയാണ്.