പ്ലേ ബോയ് ഇനി ത്രിഡി ഗ്ലാമറില്‍

ബെയ്ജിങ്: കാലം മാറുകയാണ് അതിനനുസരിച്ച് കോലവും മാറ്റിയില്ലെങ്കില്‍ നിലനില്‍പ് പരുങ്ങലിലാവും എല്ലാ രംഗത്തുമുള്ള അവസ്ഥയിതാണ്.

അപ്പോള്‍ ഗ്ലാമര്‍ വിപണിയുടെ കാര്യവും അങ്ങനെയല്ലാതിരിക്കുന്നതെങ്ങനെ, ഇക്കാര്യം കുറച്ച് വൈകിയാണെങ്കിലും പ്ലേ ബോയ് മാഗസിന്‍ അധികൃതര്‍ മനസ്സിലാക്കിക്കഴിഞ്ഞു.

യുവാക്കളുടെ സിരകളില്‍ തീ പടര്‍ത്തുന്ന പ്ലേ ബോയ് മാഗസിന്‍ ഇനി ത്രിഡിയിലും. വെറുതെയല്ല കൂടുതല്‍ വരിക്കാരെ ആകര്‍ഷിക്കുകയെന്ന ഉദ്ദേശത്തോടെതന്നെയാണ് പ്ലേ ബോയ് ത്രിഡിയില്‍ എത്തുന്നത്.

ജൂണിലാണ് ത്രിഡി പതിപ്പ് പുറത്തിറങ്ങുക. ഇതിനൊപ്പം ത്രിഡി കണ്ണടയും കമ്പനി നല്‍കും. ത്രിമാന സാങ്കേതികതയുടെ ഈ കാലത്ത് പ്ലേ ബോയ് വായനക്കാര്‍ക്കും ആ സൗകര്യം ലഭിക്കണമെന്ന് മാഗസിന്‍ ഉടമ ഹങ് ഹെഫ്‌നര്‍ പറയുന്നു.

എന്നാല്‍ പ്ലേ ബോയിയുടെ പ്രതാമെല്ലാം മങ്ങിയെന്നും വാര്‍ത്തകള്‍ വരുന്നുണ്ട്. മാക്‌സിം പോലുള്ള സെലിബ്രിട്ടി ഗ്ലാമര്‍ മാഗസിനുകളുടെ വരവോടെ പ്ലേ ബോയിയുടെ മാര്‍ക്കറ്റ് വിഭജിക്കപ്പെട്ടു. ലഭാമില്ലാതായതോടെ പ്ലേ ബോയ് കമ്പനി വില്‍ക്കാന്‍ വച്ചിരിക്കുകയാണെന്നും റിപ്പോര്‍ട്ടുകളുണ്ടായിരുന്നു.