കസബിനെ തൂക്കിലേറ്റിയാല് 100 പോയിന്റ്
നിരപരാധികളെ നിഷ്കരുണം കൊന്നൊടുക്കിയ ഈ ഭീകരനെ തൂക്കിലേറ്റാന് പലര്ക്കും ആഗ്രഹം തോന്നുന്നുണ്ടാവും. എന്തായാലും അതിനായി ഓണ്ലൈന് ഗെയിം തയ്യാറായിക്കഴിഞ്ഞു.
വധശിക്ഷ നടപ്പാക്കുന്നതുവരെ കാത്തിരുന്ന് ക്ഷമനശിയ്ക്കുമെന്ന് തോന്നുന്നെങ്കില് ഈ ഗെയിമില്ക്കൂടി വധശിക്ഷ നടപ്പിലാക്കി ആര്ക്കും സമാധാനിയ്ക്കാം. ഹാങ്ങ് കസബ് എന്ന പുതിയ ഓണ്ലൈന് ഗെയിമാണ് ഇന്റര്നെറ്റില് ഇപ്പോള് പ്രചാരം നേടിക്കൊണ്ടിരിക്കുന്നത്.
www.onlinerealgames.com എന്ന സൈറ്റിലാണ് ഈ ഗെയിം ഉള്ളത്.കസബിന്റെ ശിക്ഷ നടപ്പാക്കുന്നത് വരെ കാത്തിരിക്കാന് ക്ഷമയില്ലാത്തവര്ക്ക് സാങ്കല്പികമായി കസബിനെ തൂക്കിലേറ്റാം. ഇതിന് നിങ്ങള്ക്ക് പോയിന്റും ലഭിക്കും.
ഒരു മിനിട്ടാണ് നിങ്ങള്ക്ക് സമയം ലഭിക്കുക. ഇതിനുള്ളില് കൃത്യമായ ബട്ടണുകളില് അമര്ത്തി കസബിനെ തൂക്കിലേറ്റിയാല് 100 പോയിന്റ്സ് ലഭിക്കും. ഇനി കഴിഞ്ഞില്ലെങ്കില് കസബ് രക്ഷപ്പെടും. സെവന് സീസ് ടെക്നോളജീസിന്റെ മാനേജിങ്ങ് ഡയറക്ടര് മാരുതി ശങ്കറാണ് ഈ ഗെയിം വികസിപ്പിച്ചെടുത്തിട്ടുള്ളത്.
ഒരു ബിസിനസ് താല്പര്യം എന്നതിലുപരിയായി രാജ്യസ്നേഹം വളര്ത്തുകയാണ് ഈ ഗെയിമിലൂടെ തങ്ങള് ഉദ്ദേശിക്കുന്നതെന്ന് ശങ്കര് പറയുന്നു.കസബിന്റെ വധശിക്ഷയെക്കുറിച്ചും കസബിനെ ആര് തൂക്കിലേറ്റും എന്നുമൊക്കെ ചര്ച്ച ചെയ്യപ്പെടുന്ന അവസരത്തില് ഓരോരുത്തര്ക്കും കസബിനെ പോലൊരു ഭീകരനെ തൂക്കിലേറ്റാന് ഒരവസരം ഇതാണ് തങ്ങള് ലക്ഷ്യമിടുന്നതെന്നും ശങ്കര് കൂട്ടിച്ചേര്ക്കുന്നു.
ഇപ്പോള് തന്നെ ഒരു ലക്ഷത്തോളം പേര് ഓണ്ലൈനിലൂടെ കസബിനെ തൂക്കിക്കൊന്ന് കഴിഞ്ഞു.സൈറ്റില് രജിസ്റ്റര് ചെയ്തോ ഗസ്റ്റായോ കസബിനെ തൂക്കിക്കൊല്ലാന് സൗകര്യമുണ്ട്.
Click it and Unblock the Notifications
Sign in with Google