കമിതാക്കള്‍ക്ക് വധശിക്ഷ; രക്ഷിയ്ക്കാന്‍ പൊലീസ്

ഘാസിയബാദ്: ജാതിമേധാവികള്‍ പ്രണയജോഡികള്‍ക്ക് വധശിക്ഷ വിധിച്ചു. ഘാസിബാദ് ജില്ലയിലെ ബജേദ ഗ്രാമത്തിലെ രേഖയ്ക്കും സുധീറിനുമാണ് ജാതിതലവന്മാര്‍ വധശിക്ഷ വിധിച്ചത്.

ഒരേ ജാതിയിലും ഗോത്രത്തിലും പെട്ടവരാണിവര്‍. എന്നാല്‍ ഗ്രാമത്തിലെ രീതിയനുസരിച്ച് ഒരേ ജാതിയില്‍പ്പെട്ടവര്‍ വിവാഹം ബന്ധത്തിലേര്‍പ്പെടാന്‍ പാടില്ല. ഇങ്ങനെ ചെയ്യുന്നവരെ അഭിമാനം കാക്കാന്‍ കൊലചെയ്യുകയെന്നതാണ് ഗോത്രത്തിന്റെ നീതി.

ഈ സാഹചര്യത്തിലാണ് ജോഡികള്‍ക്ക് വധശിക്ഷ വിധിച്ചത് . വധശിക്ഷ വാര്‍ത്ത അറിഞ്ഞ് ഇരുവരും ഒളിച്ചോടി. പരാതിയൊന്നും ലഭിച്ചില്ലെങ്കിലും പ്രശ്‌നത്തില്‍ ഇടപെടുമെന്ന മസൂറി പോലീസ് സ്‌റ്റേഷന്‍ എസ്.എസ്.പി. രഘുബീര്‍ ലാല്‍ അറിയിച്ചിട്ടുണ്ട്.

കമിതാക്കളെ കണ്ടെത്തി ഇവര്‍ക്ക് സുരക്ഷ നല്‍കാന്‍ അദ്ദേഹം പൊലീസിന് നിര്‍ദ്ദേശം നല്‍കിയിരിക്കുകയാണ്. ഗ്രാമത്തില്‍ പോലീസ് കാവല്‍ ഏര്‍പ്പെടുത്തിയിട്ടുണ്ട് .