• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വനിതകള്‍ ഉദ്യോഗസ്ഥരെ ആക്രമിച്ച് പ്രതിയെ രക്ഷിച്ചു

  • By Lakshmi

മറയൂര്‍: ചന്ദനക്കൊള്ളക്കാരെ രക്ഷിക്കാനായി വനിതകളടങ്ങിയ സംഘം ഫോറസ്റ്റ് സ്‌റ്റേഷന്‍ ആക്രമിച്ചു.

മറയൂരിലെ വണ്ണാത്തുറ ചന്ദന റിസര്‍വില്‍ നിന്നും ചന്ദനമരം മുറിച്ചതിന് വനപാലകര്‍ പിടികൂടിയ പ്രതിയെ ഇവര്‍ മോചിപ്പിച്ചു. ഗാര്‍ഡുമാരെ ആക്രമിച്ച് പരുക്കേല്‍പ്പിച്ചാണ് പത്തോളം വനിതകള്‍ അടങ്ങിയ സംഘം പ്രതിയെ മോചിപ്പിച്ചത്.

പാളപ്പെട്ടിയിലെ ചാപ്‌ളികണ്ണന്‍ എന്നയാളെയാണ് ഇയാള്‍ താമസിക്കുന്ന കുടിയില്‍നിന്നുള്ള വനിതകള്‍ രക്ഷപ്പെടുത്തിയത്.

മറയൂര്‍ വണ്ണാത്തുറ മുരുകന്‍പാറ ഭാഗത്തുനിന്നു ചന്ദനമരം മുറിച്ചു കടത്താന്‍ ശ്രമിച്ച ചാപ്‌ളി കണ്ണനെ വനപാലകര്‍ ഓടിച്ചു പിടികൂടുകയായിരുന്നു.

ഇയാളുമായി വനപാലകര്‍ ഫോറസ്റ്റ് സ്‌റ്റേഷനിലേക്കു പോകുമ്പോഴാണു ചാപ്‌ളിയുടെ കുടിയിലുള്ള പത്തോളം വനിതകള്‍ ഗാര്‍ഡുമാരെ ആക്രമിച്ചത്.

ആക്രമണത്തില്‍ പരുക്കേറ്റ ഫോറസ്റ്റ് ഗാര്‍ഡുമാരായ കെ.എം. രാജേഷ്, ജെന്‍സണ്‍ എന്നിവരെ അടിമാലി താലൂക്ക് ആശുപത്രിയില്‍ പ്രവേശിപ്പിച്ചു.

വനപാലകര്‍ പിടികൂടിയ ചാപ്‌ളിയും ഇയാളുടെ ഭാര്യ മാതാലക്ഷ്മിയും വനപാലകര്‍ തങ്ങളെ മര്‍ദിച്ചുവെന്നാരോപിച്ച് അടിമാലി താലൂക്ക് ആശുപത്രിയില്‍ ചികിത്സ തേടിയിട്ടുണ്ട്. സംഘത്തിലുണ്ടായിരുന്ന പത്തു പേര്‍ക്കെതിരെ വനപാലകര്‍ കേസെടുത്തിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more