രാജധാനി എക്‌സ്പ്രസ് പാളം തെറ്റി

പട്‌ന: ദില്ലി-ഗുവഹാത്തി രാജധാനി എക്‌സ്പ്രസ് ബീഹാറില്‍ പാളം തെറ്റി. പട്‌നയില്‍ നിന്ന് 200 കിലോമീറ്റര്‍ അകലെയുള്ള കാട്ടിഹാര്‍ ജില്ലയില്‍ വെച്ചാണ് തീവണ്ടി പാളം തെറ്റിയത്.

തീവണ്ടിയുടെ പതിനാലോളം ബോഗികള്‍ പാളം തെറ്റി. അപകടത്തില്‍ ആര്‍ക്കും ഗുരുതരമായി പരിക്കേറ്റിട്ടില്ലെന്നാണ് റിപ്പോര്‍ട്ടുകള്‍.

അപകടകാരണം സംബന്ധിച്ച് കൂടുതലായൊന്നും ഇപ്പോള്‍ പറയാന്‍ കഴിയില്ലെന്ന് റെയില്‍വേ അധികൃതര്‍ വ്യക്തമാക്കി. അപകടത്തെ തുടര്‍ന്ന് ദില്ലി-ഗുവാഹത്തി റെയില്‍വേ റൂട്ടില്‍ ഗതാഗതം സ്തംഭിച്ചു. സംഭവം അട്ടിമറിയാണോ എന്ന് റെയില്‍വെ അന്വേഷിയ്ക്കുന്നുണ്ട്.